| |
|
|
O
arao romeiro (Alca torda) é unha ave palmípeda bastante común e
regular en Galicia como especie invernante procedente de Gales e Escocia
de outubro ata primeiros de maio, e máis rara en outros meses do ano. A
pesar da súa abundancia, non é frecuente atoparse con exemplares mortos
ou feridos, tal e como aconteceu nos últimos días.O primeiro exemplar
apareceu morto á altura de O Molla Cu (Santa María de Oia; concello de
Oia) o pasado día 27 de decembro de 2011. Pola forma e tamaño (menos
ancho) do peteiro que non presentaba a típica risca branca dos adultos,
era un individuo inmaturo.
O
segundo exemplar foi recollido o día 3 de xaneiro no lugar coñecido como
Puntal, areal da desembocadura do Miño, en Camposancos, logo do aviso
dado por unha familia que se encontraba nazona. Non tiña sinais de
petróleo polo que probablemente morrera por algún golpe.
Finalmente, o pasado sábado 7 de xaneiro, atopamos outro exemplar morto,
tamén inmaturo, e bastante deteriorado, no norte do Porto Ladrón ou Porto
de Tato (As Mariñas de Mougás; concello de Oia). Curiosamente, este
último exemplar estaba xusto a carón dunha gaivota morta.
O arao romeiro é unha ave de medio tamaño, 38-43 cm de lonxitude e 60-69
cm de envergadura e sen dimorfismo sexual. Ten un peteiro negro, ancho e
aplanado verticalmente, destacando nos exemplares adultos unha risca
vertical de color branca. Os exemplares adultos teñen a plumaxe negra co
peito e ventre branco. Aliméntanse principalmente de peixes e, en menor
medida, tamén de crustáceos, moluscos,vermes mariños e algas. Habita nas
illas e buratos protexidos dos cantís do Atlántico Norte. En Europa cría
en colonias, maioritariamente en Islandia, pero tamén en Escandinavia e
Gran Bretaña, e deixan os seus ovos nas rochas ou na terra.Unha vez que
o macho é elexido, a parella estará unida o resto das súas vidas.
|
|
