ANABAM

7 DE MAIO DE 2011 ARREDORES DO LAGO DA PEDRA. TOMIÑO

				O pasado sábado a saída de campo do equipo de ANABAM, dirixiuse ás proximidades do lago da Pedra, en Tomiño. O obxectivo foi o de visitar as barreiras alí existentes para ver se, neste ano, se producira algunha novidade, como a acontecida no ano 2009, na que nesa zona observamos unha parella de abellarucos con niño. Xa, no pasado ano, nunha visita efectuada a esa mesma área, non atopamos rastro algún destas aves, nin tampouco das andoriñas das barreiras, que tamén observamos hai dous anos. Así que, de momento, no temos nada que destacar na saída de campo dese sábado. O equipo estivo formado por: Agustín Ferreira Lorenzo; Antón Ferreira Lorenzo; Antonio Jiménez Redondo e Ricardo Portela Vilas.

19 FEBREIRO 2011 VISITA Á PRAIA DE ARDA (AFIFE) E DO PAÇO (CARREÇO)

			O grupo de traballo de ANABAM estivo nesta ocasión nas praias portugueses de Arda e Forte, esta última límite do territorio de actuación de ANABAM no veciño país, a 15 quilómetros ao sur da desembocadura do Miño. O motivo da visita foi a recollida de datos de píllara papuda e de Eurynebria complanata. De ámbalas dúas especies tivemos resultados positivos. O grupo de traballo estivo formado polas seguintes persoas: Carlos Angílica Entenza; Luis Dorado Senra; Agustín Ferreira Lorenzo; Mª Consuelo González de Dios; Antonio Jiménez Redondo; Manuel A. Pombal Diego e Ricardo Portela Vilas.
Agustín Ferreira fotografando unha larva de Eurynebria na praia do Forte, Paço. (Foto:Manuel A. Pombal-anabam)
Peque, nunha das sesións fotográficas ás que foi sometida unha das larvas atopadas na praia do Forte. (Foto: Agfelo-anabm)

SÁBADO, 5 DE FEBREIRO

SAÍDA AO RÍO HOSPITAL

Grupo de traballo que saiu o sábado 5 de febreiro pola ribeira do río Hospital, dende o barrio de O Solleiro ata o Muíño da Pedra. De esquerda á dereita: María J. Santos; Manuel A. Pombal "Peque"; Antón Ferreira; Beatriz Arias; Agustín Ferreira; Mª Consuelo González; Luis Dorado e, agachado, Antonio Jiménez, autor da fotografía.

SÁBADO 21 DE AGOSTO DE 2010

SAÍDA AO HUMEDAL DO ARAO (VALENÇA DO MINHO)

Facía varios meses que non pisabamos esta zona húmida do sur de Valença do Minho, entre as feligresías do Arao e de San Pedro da Torre. Un enclave que coñecemos hai uns vinte anos cando se empezou a falar da viabilidade da autovía. Para os membros de ANABAM o Arao é un lugar emblemático, unha paraxe natural cunha grande biodiversidade que se atopa a carón do Miño. Na fotografía, de esquerda á dereita os membros de ANABAM: Carlos Angílica; Agustín Ferreira; Antón Ferreira; Mª Consuelo Gonzñalez de Dios; Manuel A. Pombal e Luis Dorado. (Foto Luis Dorado Senra-anabam).

SÁBADO 10 DE XULLO 2010

SAÍDA A LOUREZA (OIA)

O motivo desta saída de campo foi a de percorrer un tramo da marxe do río Carvallo (Tamuxe) ao seu paso por esta parroquia. Non sempre temos a oportunidade de ver a bolboreta Inachis io, pero nesta saída de campo estivo tan ptreto de nós que un exemplar non dubidou en pousarse no sombreiro de Agustín Ferreira (foto inferior). (Foto Agustín Ferreira Lorenzo-anabam).

SÁBADO 26 DE XUÑO 2010

SAÍDA A PINZÁS (TOMIÑO)

Pinzás é unha parroquia de Tomiño que posúe un dos humedais máis importantes do Baixo Miño. Zona sensible, a grande biodiversidade que posúe converten ao humidal nunha das reservas naturais da comarca. Precisamente na saída efectuada nesta xornada permitiunos descubrir unha nova área de distrución para o Baixo Miño da orquídea Neotinia maculata. Na imaxe, Luis Dorado preparándose para fotogrfar a menciona orquídea. (Foto Agustín Ferreira Lorenzo-anabam).

SÁBADO 12 DE XUÑO 2010

SAÍDA AO NIÑO DO CORVO (O ROSAL)

A saída desta xornada dedicámola a visitar o Niño do Corvo, monte do Rosal que ofrece unha interesante riqueza biolóxica e unha fermosa paisaxe.

A visita centrouse fundamentalmente na recollida de datos da presenza da bolboreta Charaxes jasius, particularmente na observación de posibles ovos e eirugas, pero non perdemos a ocasión para tomar notas do que, no transcurso do percorrido, chamara a a nosa atención, caso de formigas de ventre avermellado ou da lagartixa rabuda, por poñer algúns exemplos. (Foto Agustín Ferreira Lorenzo-anabam).