ANTENAS TREGA

IR A MAPA DE AGRESIÓNS	IR A REDE SANEAMENTO	IR A AGRESIÓNS COSTA
IR Á VERTEDOIROS INCONTROLADOS	IR Á EXTRACCIÓN AREA	IR A ATERRAMENTOS
IR A FURTIVISMO	IR A OUTRAS	IR A PRESA RÍO VILACHAN
IR A ALEGACIÓNS EÓLICOS	IR A ANTENAS TREGA	IR A CONSTRUCIÓNS EN REDE NATURA

¿ILEGALIDADE CONSENTIDA?

Actualizado o 17/06/2004

¿A QUE XOGA A CONSELLERÍA DE CULTURA?

Con data 15 de xuño e Rexistro Xeral de Saída nº 7024, recibimos o escrito que máis abaixo reproducidos e que ben asinado pola Delegada Provincial Rosanna López Salgueiro. Nese escrito observamos que para a concesión "de instalación da caseta" se nos pide unha serie de requisitos e, ademais, a solicitude ten que pasar, polo menos, por dous organismos:

a/ Autorización da Dirección Xeral de Patrimonio Cultural.

b/ Comisión Territorial do Patrimonio Histórico de Pontevedra.

En resposta á súa solicitude, comunícolle que de acordo co informe dos servicios técnicos de arqueoloxía desta delegación provincial, do 10 de xuño de 2004, tendo en conta a zona onde se pretende instalar a caseta, é preceptivo contar coa autorización previa da Dirección Xeral de Patrimonio Cultural ó abeiro do disposto na Lei 8/1995, do 30 de outubro, do patrimonio cultural de Galicia.

No que respecta á documentación esixible, deberán presentar un proxectoou memoria de execución que inclúa unha descripción clara dos traballos de instalacións e representación gráfica de alzados e planta, xunto con planos de localización a escala adecuada.

Como queira que a documentación que se reciba ten que ser informada pola Comisión Territorial do Patrimonio Histórico de Pontevedra, que se reúne con periocidade mensual, suxírolle que a remita á maior brevidade.

Nós enviamos previamente un escrito no que pediamos información sobre que requisitos se necesitaban para a instalación dunha caseta nas proximidades da escada que da acceso ó Facho. Este escrito enviado por ANABAM, obedece ás respostas que tivemos por parte da Consellería de Cultura en relación á denuncia que presentamos pola instalación dunha caseta na mesma zona. Quixemos enteirarnos directamente que requisitos se pedían e, para iso, enviamos un escrito no que dabamos a entender que nós queriamos instalar unha caseta no Trega.

INFORMACIÓN ANTERIOR

Caseta obxecto da protesta de ANABAM.

Sen Licencia municipal, sen permiso de Patrimonio, logo de dous anos

alí todo segue e o xulgado arquiva o asunto, patrimonio se desentende e

o concello da Guarda, pasa. (Foto: Antón Ferreira Lorenzo-anabam)

Hai aproximadamente dous anos, ANABAM procedeu a denunciar a instalación dunha case e antenas no cumio do Monte Santa Trega, na Guarda. Monte que goza de un indudable interese arqueolóxico sobradamente coñecido por todos. A denuncia foi dirixida á Consellería de Cultura, quen nos respostou, naquela, que solicitaban do Concello xestionara o desmantenamento do que se fixera alí.

Como pasou o tempo e a caseta e as antenas seguen estar onde estaban, esta asociación cursou un novo escrito solicitando novamente que fose retirada esas instalacións.

Pois ben, hai uns días recibimos escrito da Dirección Xeral do Patrimonio, pertencente á Consellería de Cultura, Comunicación Social e Turismo (data de saída o 01/03/04), no que textualmente dí:

En relación co seu escrito, remitido ó conselleiro de Cultura, Comunicación Social e Turismo sobre a colocación dunha antena de TV e una caseta prefabricada no denominado Pico do Facho, no monte de Santa Tegra, no Concello da Guarda, cómpre indicarlle:

-Os feitos referenciados foron estudiados polo Xulgado de Instrucción nº 2 de Tui, o cal acordou, o 14 de abril de 2003, o sobreseemento e arquivo das dilixencias practicadas (nº 847/2002, nº de identificación único: 36055 2 0202013/2002).

-A reposición da legalidade urbanística é unha competencia do Concello da Guarda, quen nos informa que por Decreto 294/2002, do 16 de agosto, está a tramitar o correspondente expediente.

O escrito ben asinado polo Subdirector Xeral de Protección do Patrimonio Cultural Francisco Castro Allegue

("Manda carallo" ¡quen asina isto! nin máis nin menos que o subdirector xeral de PROTECCIÓN DO PATRIMONIO CULTURAL).

1º. Sin querer ser irrespetuosos, ¿por que o Xulgado de Tui acorda o sobreseemento e arquivo deste asunto? A caseta e as antenas ¿foron colocadas de acordo a lei?

2º. A Subdirección do Patrimonio Cultural, e por añadidura, a Consellería de Cultura, ¿"queda tan pancha" ante estes feitos que non fae nada máis? ¿Non recurre? ¿Non vai protexe-lo patrimonio como reza ese rimbombante títudo de subdirector xeral de Protección do Patrimonio? ¿Son meros cargos para cobrar os cartos ós cidadáns ou para algo máis?

3º. O Concello da Guarda informa con data do 16 de agosto de 2002 que está a tramitar o correspondente expediente, pero a día da data de envío do escrito (1 de marzo) ¿segue aínda tramitando o expediente?

A Lei ¿é ou non é igual para todos? no poboado castrxo do Monte Santa Trega ¿pode facer o que un quere ou non se pode facer? Este poboado ¿depende da Consellería de Cultura ou non depende? Para facer algo nel ¿hai que pedir permiso ou no hai que pedir?

Cada vez nos decatamos máis da cantidade de incompetentes que hai neste pais ¿ou espabilados? Cada quen que saque a súa conclusión, pero nós non nos vamos calar. Estudiaremos cales serán as seguintes medidas que deberemos tomar para que esta tomadura de pelo por parte de todos que teñen responsabilidade no asunto cumplan co seu deber.

Caseta e antena cando estaban a colocala. (Foto: Antón Ferreira Lorenzo-anabam)