ARROIO VILACHÁN

O arroio Vilachán nace ao norte do municipio de Tomiño, e a uns tres quilómetros do seu nacemento, da un xiro de 90º e se introduce no municipio de Oia, sendo un afluente do río Carvallo (Tamuxe).

Logo da visita efectuada con anterioridade (21-VI-2008) a este río, por mor do desastre ambiental ocasionado polos verquidos procedentes presuntamente da presa existente na zona, fixemos unha nova prospección de campo un mes despois (26-VII-2008) para recoller nova información que nos permita mellorar o coñecemento que temos deste río.

A ámbolos dous lados do río predominan os piñeiros que chegan, nalgunhas zonas, ata case a mesma marxe. O río discurre en parte encaixoado entre paredes de granito e noutros, como o que presenta a fotografía, ábrese para deixar correr as augas paseniñamente.

As paredes graníticas, impiden o desplazamento doado en certos tramos, polo que é necesario desplazarse con precaución ou ben buscar accesos máis axeitados. As veces atopámonos con pequenos saltos, como o que se aprecia ao fondo da imaxe, que forman cativas fervenzas.

Shargacucullia scrophulariphila, é a eiruga dunha bolboreta nocturna que chamou a nosa atención mentras se alimentaba na na súa planta nutricia.

Pyrgus sp., unha das bolboretas que poidemos observar nesta paraxe.

Podarcis hispanica, exemplar que observamos frecuentemente pola zona.

A Digitalis pupurea, aínda estaba en flor.

A maior e máis agradable sorpresa que tivemos foi a observación dun merlo acuático, durante varios minutos poidemos disfrutar coas súas inmersións. Esta é a segunda vez que temos ocasión de ver esta ave, a primeira foi na década dos noventa noutro río do Baixo Miño, pero naquela, foi case que un flas.

Natrix maura, outra das cobras de auga que localizamos na zona. Cando foi collida para analizala, regurxitou 3 larvas de de rá.

Ao fondo Ricardo Portela Vilas, en primeiro plano M.A. Pombal, "Peque", fotografando sendos niños dun insecto cuxa eiruga ten seu acubillo baixo a codia da árbore.

Primeiro plano dos niños que os compañeiros que aparecen na fotografía anterior estaban a fotografar.

Luis Dorado Senra fotografando a eiruga Shargacucullia scrophulariphila.

Exemplar xuvenil de Natrix natrix, unha cobra de auga que na súa primeira etapa, cando aínda non é adulta. distínguese polo colar que ten no arranque da cabeza.