| |
A
finais do mes de xaneiro de 2010, visitamos unha exposición de Arte
Contemporánea no MARCO, en Vigo, do artista guardés Jorge Barbi.
Quedamos gratamente sorprendidos ao contemplar un cadro, véxase figura
6, composto por 44 fotografías no que amosaban figuras humanas feitas de
forma natural, sen manipulación, por unhas artistas que, ata aquela,
descoñeciamos as cualidades pictóricas que tiñan: as gaivotas claras.
Eses cadros estaban feitos cos excrementos destas aves que, ao lanzar o
chorro, en moitos casos, máis dos que cremos, formaban ditas figuras.
Algo tan simple como a escatoloxía, serviunos para comprender que na
natureza hai arte, moita arte e que soamente temos que descubriolo.
|
|
Dende aquela, e gracias a Jorge Barbi, cada vez que visitamos os
rochedos da costa baixomiñota, non temos máis remedio que fixarnos nas
"cagadas" que hai sobre eles. É asombroso o que descubrimos, como se
pode apreciar nestas imaxes obtidas nun destes paseos na zona de
Solanas, A Guarda. o pasado 8 deste mes de febreiro. Ningura das figuras
que presentamos está retocada, tal e como estaban sobre a rocha así as
presentamos.
Haberá que preguntarse se as gaivotas nos ven aos humanos como simples
excrementos. |
|
| |
Figura 6: En xaneiro do ano 2010, Jorge Barbi presentaba no MARCO (Museo
de Arte Contemporáneo de Vigo,
unha exposición moi chamativa e interesante, baseada na natureza. Entre
as pezas presentadas, estaba este
cadro composto por 44 fotografías obtidas nos seus paseos pola costa, na
que os excrementos de gaivota forman
figuras humanas. Quedamos sorprendidos porque ata entón, non nos dera
por fixarnos nas dexeccións que estas
aves deixaban e, comprobamos nas nosas saídas ao campo, que en efecto,
atopamos verdadeiras obras maestras,
aínda que sexan escatolóxicas. |
|
