|
O pasado 26 de
decembro recibimos aviso por parte dos propietarios dunha finca na
Cunchada (O Rosal) da presencia dun parrulo ferido que estaba na súa propiedade.
Membros de ANABAM
desprazáronse ata o lugar onde José Martínez, xunto coa súa dona e algúns
veciños agardaban a nosa chegada. Comprobamos que se trataba dunha especie de parrulo doméstica,
denominado pato
criollo ou pato mudo, o cal presentaba unha ferida nun costado.
O pato parece recuperado,
polo que estamos á espera de que o posible propietario o reclame. De
momento atópase nun galiñeiro particular dun dos membros de ANABAM. Sae
tódolos días á finca, onde permanece dende a mañá ata a tardiña, cando
el mesmo regresa ao interior do galpón para pasar a noite.
O pato criollo ou pato mudo,
Cairina moschata, é unha anátida de orixe tropical e subtropical que
ten o seu hábitat en Sudamérica. Nas nosas latitudes é común ver
variedades desta ave en parques, xardíns e currais que con frecuencia
perderon a capacidade de voar trala selección artificial levada a cabo
para acadar os carácteres máis rechamantes dende o punto de vista
ornamental. |
