|
- DESASTRE ECOLÓXICO -
Fotografías:
Agustín Ferreira Lorenzo-anabam
Unha agresión ecolóxica que iniciou a súa andaina no ano 1991 coa
construcción da presa que dividiría o arroio Vilachán en dous tramos. Unha
barreira infranqueable para as especies piscícolas e un continuo cambio de
factores que repercute nas demais especies ligadas a auga e que habitan
neste río.
Xa, no ano 1992, cando a presa estaba construida, aparece a primeira
irregularidade que a administración da Xunta de Galicia, consintira, pois no
DOG do 31 de xullo de 1992, saía a información pública (un ano despois de
iniciar a construcción) o estudio de efectos ambientais do proxecto. ANABAM
puxera as correspondentes alegacións, pero era claro que a administración
non estaba polo labor, e a presa foi adiante sen cumplir ni siquera co
proxecto, onde se establecía un paso para as especies piscícolas, paso que
non existe.
O famoso caudal ecolóxico deixa moito que desexar e da presa apenas sae un fío de auga no verán.
Por si fose pouco, agora aparece este novo atentado, do que nos
enteiramos case que un mes máis tarde de se producir, gracias á información
facilitada polo presidente da Comunidade de Montes de Burgueira. Ata o lugar
dos feitos nos desplazamos e alí poidemos ver as toneladas de area e
lodo que arrasaron o leito do río, zona onde habita unha das especies
protexidas, a salamandriña galega (Chioglossa lusitanica), un
endemismo do noroeste peninsular.
Estamos convencidos, e nos gustaría equivocarnos, que isto quedará, como ven
sucedendo dende o ano 1991, nunhas denuncias e nunhas notas de prensa e, no
mellor dos casos, nunha simbólica sanción.
Cremos que hai que esixir responsabilidades aos que créndose tal vez
impunes, ou a sabendas de que isto non ten maiores consecuencias, non dubidan en
levar a cabo actos que poñen en evidencia o respeto polo entorno, pola
natureza, aínda cando estas persoas están sacando o máximo beneficio dela.
Pensamos que ademais doutras accións que se podan tomar, debera, por unha
parte, impórselle a empresa unha sanción económica exemplar, e por outra,
obligar aos responsables a limpar o cauce do río por personal especializado, cun
férreo seguimento dos labores de limpeza co fin de controlar a mesma e evitar
males maiores.
Para ter unha mínima visión do acontecido, nada mellor que observar as
imaxes obtidas polos membros de ANABAM nas visitas que os mesmos fixeron
antes e despois dos verquidos.
 
Fotos 1 e 2: Dúas fotografías do mesmo sitio: a da esquerda
corresponde ao 13 de maio de 2006 e á dereita é do 21 de xuño pasado. Pode verse claramente a diferenza entre unha e aoutra.
 
Fotos 3 e 4: Á esquerda, instantánea antes do verquido, á dereita,
cando éste xa se producira.
Fotos 5 e 6: Foto superior antes dos verquidos, foto inferior, case
vinte días despois de se producir os mesmos.
Fotos 7 e 8: Outra toma da zona afectada, toneladas de area cubren
literalmente o cauce do río. Compárese a fotografía superior coa inferior.
|
