|
Tal e como tiñamos programado, o sábado 13 deste mes de febreiro procedemos
á primeira limpeza e erradicación de acacias da parcela dedicada á bolboreta
Charaxes. Non esperabamos atoparnos coa enorme cantidade de acacias
que puidemos ver. A parcela, dunha hectárea, está totalmente izada delas,
polo que imos necesitar de, polo menos, dúas ou tres sesións para poder
deixala en condicións. Esta especie invasiva resulta moi difícil eliminala,
así que moito nos tememeos que durante os próximos anos os labores de
mantemento terán que continuar se queremos que o erbedal medre e estea en
perfectas condicións.
Na vindeiro mes de marzo programaremos unha nova limpeza para o que xa
invitamos a tódalas persoas que desexen botar unha man, a sumarse a este
proxecto.
Antón Ferreira en
plena faena, arrancando manualmente as acacias que abafan un dos érbedos.
Manuel A. Pombal,
Peque", vicepresidente de ANABAM, profesor na Universidade viguesa e
investigador,
arrasou con toda
canta acacia estaba ao seu carón.
María e Uris, un
matrimonio que xa en máis dunha ocasión tenos botado unha man nos traballos
de ANABAM.
Ricardo Portela,
sobriño do que fora famoso gaiteiro galego do mesmo nome, é un dos socios
máis activos de ANABAM dende a súa fundación, vémolo aquí coa desbrozadora
dando conta das innumerables acacias que tiña fronte a el.
ANTES E DESPOIS
Foto superior
antes da actuación. O érbedo que se atopa no centro da fotografía nin se ve.
Dez minutos despois, a situación mudara por completo. O érbedo estaba libre
da invasión de acacias que o amenazaba.
Como se deduce polas fotografías anteriores, a maior parte do traballo
levouse a cabo manualmente, xa que esta é a mellor forma de erradicación da
especie invasora. Mais, dada a enorme cantidade de acacias existente, fíxose
necesario utilizar a desbrozadora para tratar de eliminar as acacias o antes
posibles xa que temos que evitar que cheguen a ter sementes e polo tanto a
que siga medrando a especie. Por iso, antes do verán deberiamos ter a
parcela totalmente limpa.
|
