"EXPONATUR"

EXPOSICIÓN ITINERANTE 2012

    Co título Exponatur ANABAM terá a dispor das entidades interesadas a exposición itinerante que poderá ser solicitada a partir da vindeira primavera e na que se poderá ver unha mostra de diverso material relacionado co patrimonio natural, fundamentalmente do Baixo Miño.

    Imaxe da esquerda: maqueta e gaiola do programa de protección dos niños da píllara papuda desenvolvido por ANABAM nas praias galego-portguesas do Baixo Miño. Este programa serviu de modelo para outros semellantes que se levan a cabo en diversos puntos da Península.

     Vitrinas, panéis explicativos, material interactivo..., amosarán unha pequena parte do apaixoante mundo da natureza.

    Imaxe esquerda: Recipientes da colección de area procedentes de diversas zonas tanto da Península coma doutras zonas alleas. A exposición contén 40 recipientes.

    As entidades interesadas nesta exposición poderán inscribirse a partir do vindeiro mes de febreiro. A partir de mediados de marzo xa estará disponible para a súa posta en escea.

   Os gastos de desprazamento da exposición corren por conta da entidade solicitante que terá que comprometerse a velar pola mesma e facerse cargo de posibles danos que puideran producirse na mesma durante o tempo que estea no seu poder.

      Imaxe da esquerda: Panel interactivo dos principais cetáceos que varan na costa galega.

O prezo por préstamo da exposición, ata 15 días, é de 150 euros, e de 200 euros se vai de 16 aos 30 días.

   Para as entidades conservacionistas o prezo redúcese un 60 %; para centros de ensino e entidades non lucrativas o prezo redúcese un 50 %.

    Imaxe da esquerda: Panel aínda sen rematar cos apéndices dun peixe serra e dun peixe espada. Na parte inferior do panel unha vitrina con diverso material relacionado co mundo do mar.