FAUNA Larus cachinnans

			Actualizado o 28-02-2011
			*Larus cachinnans* Exemplar adulto de gaivota clara, coa plumaxe característica de verán, destacando a cor gris das ás e branco no resto do corpo. (Fotografía: Agfelo-anabam)

			Outro exemplar adulto, neste caso en plumaxe invernal, onde pode apreciarse como a caluga ten riscas escuras. As patas desta especie poden ser amarelas ou de cor alaranxada, coma se pode ver nesta e na anterior fotografía. Tamén comparando as fotografías podemos apreciar coma o peteiro pode presentarse con diferente tonalidade: amarelo claro ou máis escuro. Nos dous casos, os individuos teñen catro ou máis anos, que é cando adquiren a idade adulta e poden xa procrear. (Fotografía: Agfelo-anabam)

			Exemplar de terceiro ano. Apréciase coma gran parte das ás xa aduiriron unha tonalidade gris clara e, no resto do corpo, destacan a cor abrancazada dos individuos adultos. O peteiro tamén empeza a adquirir a tonalidade propia da especie, ao igual que as patas, pero aínda conserva en parte a cor escura dos exemplares inmaduros. (Fotografía: Agfelo-anabam)


			Exemplar de segundo ano, aduirindo xa unha tonalidade máis clara pero mantendo aínda o moteado das súas plumas e seguindo coas patas rosadas. Mesmo algunas plumas das ás xa aparecen cunha tonalidade lixeiramente agrisada. O peteiro non é tan escuro coma nos individuos de menos de dous anos. (Fotografía: Agfelo-anabam)

			Exemplar de primeiro ano. Predominio da cor moteada, peteiro totalmente escuro e patas rosadas. (Fotografía: Agfelo-anabam)

			Polo de dous ou tres meses, recén saído do niño. Plumaxe moi escura, totalmente moteada e cabeza con tonalidade escura. Patas rosadas. (Fotografía: Agfelo-anabam)

			Dous exemplares de diferente idade: o superior é un polo recén saído do niño, de dous ou tres meses de idade. Obsérvese a cabeza moi escura. O inferior é un individuo de primeiro ano. (Fotografía: Agfelo-anabam)