RECICLAXE MARIÑA:

DONACIÓN DE MATERIAL MARIÑO RECUPERADO

por Manuel A. Pombal Diego

  O pasado domingo día 6 de novembro entregamos ao mariñeiro de Pedornes D. Avelino Fernández Álvarez (o Parrandas), 34 atillos de 40 cortizas (case todas vermellas), o que fai un total de 1.360 cortizas. Avelino é o patrón do barco chamado “Daniel y María”, co número de folio 3ªVI-7-3558 e porto base na Guarda. Estes días, o Daniel y María está faenando “ó día” á pesca do robalo. Para elo utilizan palangres que, ao estar traballando preto da costa, poden utilizar este tipo de cortizas para manter o nivel de flotación desexado, en vez de utilizar boias mellores, cuxa pérdida (o cal é moi habitual) sería moito mais custosa.

       Por outra banda, cabe salientar que temos almacenadas unhas 600 boias, mais de 2.500 cortizas, centos de carpetas e de flotadores de palangres, mais dun cento de palillos de batea, mais dun cento de cordas (varias con chumbo), xiratorios, amocelos, e outro material que pode ser solicitado póndose en contacto na seguinte enderezo de correo electrónico: pombal@uvigo.es, ou ben a través de ANABAM.

Na táboa que figura a continuación, dase un resumo do material mariño recuperado ao longo da costa do Baixo Miño que foi doado a distintos mariñeiros que o solicitaron para a súa reutilización.