|
A Comisión Permanente Internacional do Río Miño
(CPIRM), reunida na Guarda o día 3 de xullo de 2008, estableceo a seguinte
normativa de pesca profesional para a tempada 2008-2009, ó amparo do tramo
internacional Regulamento de Pesca no Tramo Internacional do Río Miño (BOE
nº 142, do 12 de xuño de 2008):
1.- Lémbrase
para coñecemento xeral a entrada en vigor do novo regulamento e se destacan
e matizan as seguintes prohibicións e novedades incluídas no mesmo:
>>Prohibido o exercicio da pesca profesional (excepto a pesca da
angula) os domingos (Artigo 10). O período indicado no artigo 10.2
entenderase respecto ás 24:00 horas españolas e as 23:== horas
portuguesas.
>>A pesca en pesqueiras non se pode clasificar nin como deportiva, nin como
profesional. Entenderase como actividade tradicional á que non é de
aplicación o artigo 10.
>>Co obxecto de recuperar as poboacións de SALMÓN, queda prohibida
a pesca desta especie por un período de dous anos, pasado o cal
acordarase a conveniencia de prorrogalo ou non (Artigo 14). No caso de
captura accidentaldeberá devolver a auga aínda no caso de que esté morto.
A tenencia de exemplares de salmón será motivo de sanción de 825 euros e do
seu embargo.
>>Actualízanse as multas a cantidades comprendidas entre os 40 e os 825
euros.
>>Incorpóranse sancións accesorias, ademais das multas, que permitan a
retirada da licencia de pesca entre 10 días e un ano.
>>Actualízase a sinalización das redes para facelas máis visibeis, tanto de
día como de noite. As boias dos extremos deberán levar un asta de ó menos 50
centímetros cunha bandeira de cor laranxa de día e unha luz vermella todo
horizonte de noite.
2.-Establécese
conforme os artigos 11 e 45 o calendario de pesca profesional e en
pesqueiras do anexo I.
3.-
Establécese conforme os artigos 11 e 45 o calendario de pesca deportiva do
anexo II.
4.-Establécese
conforme os artigos 11 e 45 as tallas mínimas das especies presentes no
Tramo Internacional do Río Miño (TIRM), conforme á interpretación das
respectivas lexislacións internas de pesca de ámbolos dous países, como
anexo III.
5.-Tómanse as
seguintes medidas para limitar o esforzo pesqueiro e preservar a
conservación da biodiversidade, conforme os artigos 11 e 45:
>>Prohibido o exercicico da pesca con redes fixas/fondeadas
dende a liña establecida pola enfilación dos seguintes puntos cara ao mar:
>>Marxe portuguesa:
Mástil de sinais de Punta Cabedelo 41º52'215 N -
008º51'694W
>>Marxe española:
Antena do Monte Santa Trega 41º53'283N - 008º52'297W
>>Prohíbese a utilización de redes lampreeira fabricadas con
sedal (fío de nylon monofilamento).
>>Establécese a prohibición de utilizar ou portar máis de dúas
canas por pescador como incorporación da norma máis restrictiva das
respectivas lexislacións nacionais. Entre ámbalas dúas canas
contabilizaranse os tres anzós establecidos no Regulamento de Pesca do TIRM.
>>A autorizaión para pescar un só tripulante (artigo 7) terá que facerse
cumplindo as seguintes condicións acordadas na xuntanza da CPIRM:
>>Debe ter titulación suficiente para exercer como patrón.
>>Non ser maior de 60 anos.
>>Somentes se poderá autorizar ao que figure como patrón da embarcación e a
través dun documento escrito visado polo Comandante Naval do Miño para os
pescadores españois.
>>Comprometerse a vestir permanentemente estando de faena un traxe de
supervivencia ou un chaleco homologado con flotabilidade superior a 150NW.O
seu incumplimento será sancionado segundo o artigo 37 con multa de 240
euros.
>>A actividade de pesca se efectuará a unha distancia non superior a 50
metros doutras embarcacións en faena de pesca.
>>A área permitida para pescar cun so tripulante é augas adentro da
enfilación definida polo mástil de sinais de Punta Cabedelo e a antena do
Monte Santa Trega.
|
