|
CENSO DE NIÑOS E INDIVIDUOS DE PÍLLARA
PAPUDA
EN MOLEDO E VILAPRAIA DE ÁNCORA
Texto e fotos: Agustín Ferreira Lorenzo-anabam
Píllara que estaba
aniñando na praia de Moledo.
Os
días 4 e 5 deste mes de abril, membros de ANABAM levaron a cabo unha
prospección nos areais de Moledo e Vila Praia de Áncora para tomar datos
relacionados coas píllaras papudas, pois entramos xa no período de
nidificación e tratamos de ver como se desenvolve esta tempada no Baixo Miño
galego-portugués.
O niño contiña tres ovos, número que é o
máis frecuente nas postas de píllara papuda. Os ovos, cunha cor mimética,
pasan practicamente desapercibidos e, mesmo estando ao seu carón, é difícil
decatarse da súa presenza.
PRAIA DE MOLEDO:
Praia de Moledo o sábado 4 de abril. As
condicións meteorolóxicas pouco atractivas para estar no areal, motivou que
este estivera practicamente valeiro, polo que as píllaras estaban
tranquilas.
A prospección nesta praia
levouse a cabo o sábado 4 de abril
pola tarde. Os membros de ANABAM participantes (Dorado, Luis; Ferreira,
Agustín; Ferreira, Antón e Pombal, Manuel)
contabilizaron
un total de 15 exemplares, algúns deles xa emparellados,
descubríndose, ademais, a primeira posta desta tempada. Como adopta suceder
cos niños da píllara, a posta estaba situada a carón dunha zona de paso,
polo que a situación da mesma é bastante precaria. Poidemos observar como a
iso das 19:30 horas (hora solar: 17:30) a femia relevaba ao macho no niño.
PRAIA DE VILA PRAIA DE ÁNCORA:
Praia de Vila Praia de Áncora. Ricardo
Portela recorre a parte baixa do areal o domingo 5 de abril.
A
prospección neste areal realizouse o domingo 5 de abril pola mañá. Os socios
(Ferreira, Agustí e Portela, Ricardo) perocorreron o mesmo pero sen atopar
niño algún. Observouse un bando dunhas 17 píllaras coas que estaban tamén
tres exemplares de pilro bulebule (Calidris alba) en plumaxe de
verán. Observáronse outros cinco individuos divididos en dous grupos: un de
dous exemplares e outro de tres exemplares, totalizando en total 22
exemplares.
PRAIA DE CAMPOSANCOS:
Praia de Camposancos, onde ANABAM
desenvolve o proxecto píllara.
Ademais, por resultar máis a man,
vimos realizando (Ferreira, Agustín) periódicos percorridos pola praia de
Camposancos pero, ata agora, e en todo o que vai de ano, non foi observada
ningunha píllara na mesma, polo que de seguir así, por segundo ano
consecutivo non teremos niños neste areal.
|
