PINZAS

ANABAM presentou as correspondentes alegacións contra o macroproxecto especulativo urbanístico que unha determinada empresa quere levar a cabo nunha das máis importantes zonas húmedas de montaña que temos no Baixo Miño: a chaira de Pinzás. Agora, nos queda a esperanza de que os responsables da Xunta de Galicia, atendan ás alegacións presentadas por varios colectivos e particulares, e non permitan a destrucción dunha parte do territorio do Baixo Miño en aras de suculentos beneficios para os promotores do mesmo e a falla de respeto dalgúns comuneiros por unhas terras que NON SON DELES senón que llas deixaron os seus antepasados e eles teñen a obriga de deixalas aos que lles seguen. Sobre este particular, se o proxecto fose adiante, estamos seguros que moitos comuneros que votaron a favor se arrepentirán cando lles expropien terras para favorecer as novas infraestructuras que virán a continuación. Pois a cousa non vai quedar somentes nos campos de golf e na urbanización anexa. Xa no Informe de Sostenibilidade se fala de plazas, viais, centros comerciais..., ¿onde pensan os comuneros que vai ir "o ladrillo" e "o asfalto"? De saír adiante este aberrante e destructivo proxecto ambiental, "o rodillo" empeza a xirar e xa non vai parar. Os tentáculos da especulación continuarán arrebatando as terras. As novas necesidades que van xurdir non será a costa dos promotores da urbanización nin dos novos veciños, será a costa dos veciños de sempre, dos veciños de Pinzás.

E somos claros, ANABAM se move non para defender os veciños, senón para defender o entorno natural, o patrimonio, un espazo no que hoxe aínda podemos disfrutar del. Logo xa será outro cantar.

En canto ás posturas dos diferentes grupos políticos en relación a este tema, que poidemos ler en I, nos congratula que tres delas (BNG, PSOE e UV ) se opoñan a este aberrante e destructivo proxecto ambiental, parece que teñen claro os valores ambientais, os valores legais, o patrimonio, a os veciños de Pinzás, o valor da terra, etc.

Entendemos perfectamente a postura do CdeT -pois dan unha de cal e outra de area, ou sexa "sí pero non" ou "non pero sí"-. Parece desprenderse que non están en contra do proxecto. O tema ambiental non é que lles preocupa en demasía e para non sinalar abertamente que están a favor ou en contra do proxecto -sempre poden telo como un recurso o día de mañán- optan por non dar a súa aprobación ou rechazo definitivo ao mesmo.

De Alternativa Tomiñesa que podemos decir?, non nos colle de sorpresa en absoluto a opinión -ou a non opinión- que teñen deste proxecto, ou sexa "ningunha". O único que parece preocuparlles son "os xuros". Non parece que teñan moita idea sobre este tema. Ó mesmo tempo parece que dan a entender que non hai que cerrar as portas "ao ladrillo". Como non podía ser doutro xeito, aquí o tema ambiental xa nin se toca. En fin, se chegan ao goberno de Tomiño, esperemos que teñan as ideas máis claras, porque senón os tomiñeses van apañados.

E en canto ao PP resulta lóxico que non se pronuncien, tampouco fai falla posto que a súa postura está clara e xa se pronunciaron no seu momento e, por suposto, xa están a decir cal é o seu pronuinciamento agora. Os responsables deste partido no concello de Tomiño son parte do problema. Xa votaron a favor no seu día. A privaticidade do monte comunal non lles preocupa en absoluto. Que saibamos, somentes se preocuparon do tema ambiental co aterramento que se estaba a facer, por parte da Comunidade de Montes de Forcadela, en terreos desta parroquia, polo demais, o tema ambiental ocupa non xa un segundo plano, senón un terceiro ou un cuarto plano na política do concello tomiñés.

ALEGACIÓNS:

Sabemos que foron presentadas, ademais de ANABAM, por un grupo de rapaces estudiantes no Instituto de Tomiño. Tamén, oficiosamente, sabemos de varios colectivos que tiñan pensado presentar alegacións contra este proxecto, polo que a preocupación non é só desde o punto de vista dos conservacionistas, senón tamén doutros colectivos sociais preocupados polo que pode representar a destrucción do humedal de Pinzás e abrir as portas dos Monte veciñais en Man Común á especulación pura e dura.

Actualizado o 26 de abril de 2007

CAMIÑANDO Á DESTRUCCIÓN

DO CHAN DE PINZÁS (Tomiño)

(e VI)

Os campos de golf agrupan os edificios na periferia do campo reproducindo a tipoloxía do adosado periurbano. Todo elo para reducir os costes de urbanización e construcción e incrementar o precio das vivendas dunha clase urbana ansiosa por contarlle aos seus veciños que compraron un “chalé” ao lado dun campo de golf. Viste moito.

EMPREGO

O maior emprego deriva dos servicios de xestión, hostelería e tendas. O escaso coñecemento de idiomas así como de preparación cualificada dos VECIÑOS de Pinzás, non lles abrirá, que digamos, moitas portas en canto a emprego. isto fará que os traballos mellor remunerados non sexan para os do pobo, quedando os menos cualificados para estes, coa mesma precariedade que os traballos clásicos.

RESPETUOSO CO MEDIO?.-

O campo de golf de Pinzás pretende ubicarse nuns terreos hoxe de grande interese ecolóxico que se verán profunda e irreversiblemente modificados.

O problema dos campos de golf non é só de auga, senón do uso de ata 50 plaguicidas que perxudican a saúde, ao medio e a biodiversidade. Por certo no Estudo de sostenibilidade non se fae referencia a este uso de productos químicos.

ESPECULACION:

Este espacio vai ser ocupado polos "novos ricos". Non poderá ser usado, libremente como ata agora, polos afeccionados á pesca deportiva; polos camiñantes; polos corredores e ciclistas; polos amantes da natureza..., senón por unha minoría de pago á que tamén van dirixidos a nova promoción de chalets con vistas ao céspede artificializado. Privatízase así un espacio libre, de todos, en beneficio duns poucos. E unha vez iniciada a obra, xa non haberá quen a pare, xa non haberá marcha atrás e, pouco a pouco -ou moito a moito--, os usuarios, a especulación, a necesidade dos que utilizan as infraestructuras pedirán máis e mais... Pinzás, definitivamente, deixará de ser "dos de Pinzás" para pasar a ser dos que virán a pasar uns días, un mes de vacacións ou a disfrutar un que outro fin de semana, do "seu campo de golf". Como dice o periodista Carlos Fresneda: "una vez echen raíces los cimientos, no hay marcha atrás y ya pueden estrellarse los jueces y los vecinos contra el muro impenetrable de las constructoras" . "la fiebre constructora beneficia al mismo puñado de privilegiados que juegan bajo par y especulan con las viviendas que les sobran".

OS NOVOS DONOS DA COMUNIDADE DE MONTES

Cren os actuais veciños de Pinzás que seguirán eles ao frente da Comunidade Montes dentro duns anos? Cren que o monte seguirá sendo deles? 800 chalés que se van construir, significa un potencial de 800 novos comuneros con dereitos na Comunidade de Montes. Que van facer os actuais comuneiros -cantos son agora, 80?- fronte a esta invasión? Quen vai dirixir a Comunidade de Montes? Que pasará cos acordos actuais cando "os novos comuneiros" se fagan co poder da Comunidade de Montes"? Porque son 800 novos comuneiros que teñen outras miras, outro poder adquisitivo, outros intereses, outra forma de desenvolverse, carecen do apego á terra onde veñen como lugar de disfrute, e, por suposto, terán a capacidade de modificar calquer acordo asinado actualmente e que lles afecte directa ou indirectamente como poden ser os pagos do canon por arrendamento das terras, alugueres, modificación dos privilexios aos actuais comuneiros, etc, etc.

EXPROPIACIÓNS FORZOSAS

Os comuneros asinantes deste macroproxecto de Pinzás -e os non asinantes-, se enfrentan a que no futuro poidan quedarse sen as súas terras. Cunha poboación que pode superar para entón as 3.000 persoas -fronte as 160 actuais-, han de xurdir novos proxectos especulativos. Tal vez se redactarán algúns PERIs no que os veciños non poderán facer fronte aos gastos que xeran os mesmos e se verán irremediablemente a ter que vender as terras a baixo precio quedando a merced dos novos donos : as inmobiliarias e constructoras.

De levarse a cabo o proxecto de campo de golf, cabe a posibilidade de que algunhas propiedades privadas poidan ser expropiadas a medio ou largo plazo (para construir o centro comercial, para facer as plazas públicas...), e qué van facer 160 veciños fronte ao grande poder económico que engulirá esas terras?

ACORDOS SOCIAIS:

Páx. 52 (32 do proxecto): zonas deportivas de libre uso: acceso gratuito a los actuales comuneros como pueden ser las escuelas de golf, hípica, tenis, natación.

A verdade, e teremos que ser realistas para admitir isto, cóstanos moito asimilar que a maioría dos comuneiros poidan "codearse" e ter doado (social e económicamente) o acceso a estas dependencias. Algúns exemplos do que decimos, podemos velos no Baixo Miño con outras instalacións moitísimo máis modestas.

Pero estas "ventaxas" sociais van dirixidas aos ACTUAIS COMUNEROS, é aos futuros comuneros (fillos, netos) se lles priva desas pretendidas ventaxas! Ou é que moitos dos actuais comuneros é xente de certa edade que dentro duns anos, cando esas escolas de golf, hípica..., empecen a funcionar -se algunha vez empezan- éstes xa non estarán para eses trotes e polo tanto non "poderán disfrutar desas ventaxas sociais" ou deixaron de ser "actuais comuneros" para pasar o relevo a un fillo ou neto que xa non disfrutará das ventaxas que o seu pai ou avó tiña.

Centro de saúde, farmacia, biblioteca, telefonía fixa e móbil, ...

Evidentemente, os promotores non teñen competencias nestes asuntos, isto é tarefa "obligatoria" dos responsabeis municipais e estes son os que teñen que moverse e xestionar diante das demais administracións para que os veciños de Pinzás teñan todo o que precisan ó igual que os demais cidadáns do municipio.

Vixianza 24 h:

Como grande complexo urbanístico que é, evidentemente contará cunha vixianza privada, pero quen vai crer que esta se extenderá ao núcleo de Pinzás -como se dice no proxecto- agás "colateralmente" por suposto. Claro que, cabe a posibilidade e posiblemente así vai ser, que o núcleo de Pinzás non sexa o que actualmente está definido como tal, cunha casa aquí e outra un pouco máis alá. Non será que o núcleo de Pinzás vai estar formado polos 800 chalés e as demais infraestructuras que se pretende construir no entorno: plaza pública, centro comercial...? E a vixianza: vai ser privada ou pública? E se é privada, os veciños de Pinzás terán que facer fronte aos gastos que xenere ou será "un regalo" dos "novos propietarios"? E se é pública, que organismo informou que habería unha vizianza as 24 horas do día?

Páx. 54 (34 do proxecto): Ao aumentar a poboación o número de vixianza policial se verá incrementado, así como o número de seguridade privada no entorno, o que beneficia a calidade de vida dos veciños da parroquia.

Se hai que aumentar a vixianza policial e, enriba, a vixianza privada, por lóxica cabe pensar que esta se vai convertir nunha zona pouco segura, o que entra en contradición co pretendido beneficio da calidade de vida dos veciños.

Compensacións pola zona residencial.

Cales son estas compensacións? Porque no proxecto non figuran.

Que lei permite dar ou vender algo que non é dun? O monte é un usufructo dos veciños. Os veciños non son os propietarios do monte, en sentido estricto da palabra, porque este pertence aos veciños actuais, e despois aos que lle siguen e así sucesivamente. A Lei de Montes está feita para que os veciños aproveiten os recursos que xere o monte. Pero se as terras deixan de ser dos veciños, o monte deixa de ser dos veciños e, consecuentemente, os veciños deixan de obter recursos do monte.

Seguiremos ampliando novas sobre este tema a medida que se vaian producindo.

Actualizado o 23 de abril de 2007

CAMIÑANDO Á DESTRUCCIÓN

DO CHAN DE PINZÁS (Tomiño)

(V)

Páxina 73 do proxecto

Texto recortado do Estudio de Sostenibilidade que se atopa a exposición pública no Concello de Tomiño por espazo de 45 días (a contar dende o día 14 de marzo).

Este texto, é outros que aparecen no citado estudo, son os que nos dan pé a manifestar o tendencioso, falso e interesado do proxecto que se presenta a exposición pública. Porque, ¿como se entende que un macroproxecto de máis de 200 Ha (= máis de 2.000.000 metros cadrados) que pretende albergar 800 vivendas, dous campos de golf, piscinas, cafeteria...non van afectar aos recursos naturais? Pensarán os redactores deste Estudo de Sostenibilidade que somos tolos e non entendemos nada? Ou pensarán que os políticos encargados de aprobar ou recharzar este macroproxecto non teñen capacidade mental de entender o que dicen?

Claro que como estes redactores sonche moi listos, ao mellor estanse referir ao "entorno", ou sexa, ó que está nas proximidades da zona de actuación e polo tanto fóra desas 200 Ha. Porque, claro, caben tódalas interpretacións nese texto.

Páxina 73 do proxecto

Outro párrafo extraído do Estudio de Sostenibilidade que obedece a unha falsedade absoluta. Para rebartir tales argumentos, somentes imos expoñer cinco exemplos que poñen de manifesto a incoherencia do Estudio de Sostenibilidade e que o redactor do mesmo non ten idea do que dí ou pretende, unha vez máis, enganar á poboación. Ese redactor non tiña máis que ir ata Pinzás, prestar atención á zona e observar para ver o que alí hai. Por poñer uns poucos exemplos gráficos que ilustren o que decimos, véxanse os seguintes anfibios, todos eles localizados no humedal ou no regato en Pinzás:

Saramaganta galega (Chioglossa lusitanica)	- Especie protexida. -UICN Vulnerable. -España: Vulnerable. Declarada de Interese Especial no catálogo Nacional de Especies Amenadas.
Saramaganta común (Salamandra salamandra)	-Especie protexida. -España: Vulnerable.
Sapiño comadrón (Alytes obstetricans)	-Especie protexida. -España: Case amenazada.
Raniña de San Antón (Hyla arborea)	Especie protexida. -UICN: Case amenazada. -España: Declarada de Interese Especial no Catálogo Nacional de Especies Amenazadas
Lagarto das silvas (Lacerta schareiberi)	Especie protexida UICN: Case amenazada. España: Case amenazada.
Píntiga verde (Triturus marmoratus)	Declarada de Interese Especial no catálogo Nacional de Especies Amenazadas.
Pintafontes espalmeado (Triturus helveticus)	Declarada de Interese Especial no catálogo Nacional de Especies Amenazadas.

Poderiamos seguir con outras especies (unhas protexidas e outras con algún grao de amenaza) como garzas (Ardea cinerea); Lagarteiro peneireiro (Falco tinnunculus); Moucho común (Athene noctua); Avenoteira cincenta (Caprimulgus europaeus); etc.

Pero o interese dun espacio natural non se mide polas especies amenazadas, protexidas ou en perigo que ten, senón pola rica e variada biodiversidade que posúe. Polas garantías que ofrece ás diferentes especies para que, precisamente, non cheguen a ese grao de amenaza.

Acaso o cemento, o monocultivo, os milleiros de persoas na zona, a inxente cantidade de productos químicos que se utilizarán..., vai permitir a sostibilidade das especies que podemos atopar agora neste humidal?

Actualizado o 19 de abril de 2007

CAMIÑANDO Á DESTRUCCIÓN

DO CHAN DE PINZÁS (Tomiño)

(IV)

Regato que cruza en dirección norte-sur o humidal de Pinzás. Nas súas marxes mestúranse o toxo, o carrasco, violetas, fentos, pereira brava, salgueiros, ranúnculos e outras moitas especies que permiten o desenvolvemento da vida animal.

Páx. 79 (59 no proxecto): Podemos ler o seguinte párrafo: ...reiteramos que a nosa investigación e coñecemento do ámbito, nos leva a considerar destruido o medio natural, tanto biótico como físico.

En primeiro lugar temos que salientar que o medio natural NON ESTÁ DESTRUIDO, tal e como pode ver calquera que se achegue á zona. Nós non temos que inventar nada, nin tratar de convencer a ninguén do que non hai. Por iso, só temos que invitar ás persoas interesadas a que se acheguen ata Pinzás, ata o medio natural que se QUERE DESTRUIR, e comprobar por sí mesmas se, tal e como sinalan os redactores, este medio natural está destruido.

Páx. 80 (60 no proxecto): podemos ler: "...a valoración totalizadora da vexetación no ámbito de Couto Pinzás é de escaso valor"

Non sabemos cales son as razóns de que digan que a vexetación é de escaso valor. Como se pode cuantificar o valor natural dunha paraxe onde ó longo do ano imos pasando por unha sucesión de diferentes especies vexetais?

Para termos unha idea da variedade que atopamos, imos expoñer somentes catro exemplos que ilustran o que decimos:

Quitamerendas é unha das especies abondosas na zona. Pode verse fundamentalmente a partir de setembro, moitas veces xunto co azafrán silvestre (15 de outubro de 2006).

A pereira brava (Pyrus cordata) ten nesta paraxe unha boa representación de exemplares con interesantes portes que non se atopan frecuentemente noutras zonas do Baixo Miño.(14 de abril de 2007). esta árbore foi, segue a serr, moi utilizado como patrón para pereiras e maceiras.

Dous magníficos exemplares de pereira brava en plena floración (14 de abril de 2007), das moitas que hai nos arredores, fotografiadas nas proximidades do pastizal.

Árnica (Arnica montana) (12-06-2004), no Baixo Miño esta planta aparece puntualmente nalgunhas zonas de carácter húmido, como ocurre en Pinzás. A partir de maio podemos velas nas zonas húmidas do Couto.

Rorella (Drosera intermedia) (12-06-2004), planta carnívora, que somentes se da en zonas húmedas.A partir de maio pode verse nas zonas encharcadas ou que conservan certo grao de humidade do Chan de Pinzás.

No couto de Pinzás existen máis dun cento de especies diferentes de plantas silvestres que se poden ver ao longo de todo o ano. As características tan especiais da zona: monte bordeando o humedal; o propio humedal de terras encharcadas; as marxes dos regatos; os pastizais; as terras de labor, permiten o desenvolvemento de infinidade de especies asociadas a cada un destes ecosistemas que a biodiversidade está garantida, agás que proxectos tan nefastos, destructivos e impactantes como o que se pretende para a zona, convirta este enclave nun monocultivo dependente dos aportes químicos exteriores para mantelo de xeito artificial, perdendo, consecuentemente esa diversidade que hoxe ten e que os redactores do proxecto non queren ver e traten de minimizar este interese.

Actualizado o 16 de abril de 2007

CAMIÑANDO CARA Á DESTRUCCIÓN

DO CHAN DE PINZÁS (Tomiño)

(III)

Parte das máis de 200 Ha do couto de Pinzás que se pretenden convertir no macropoxecto

urbanístico no que o equipo de goberno do PP* de Tomiño xa deu o primeiro paso votando a favor, os

do CdeT se abstiveron e coherentemente o PSOE e o BNG votaron en contra.

1: Zona húmida e pastizal na que se desenvolven varias especies arbóreas como o salgueiro (Salix sp.)

e espléndidos pereiros bravos.

2: Pista de terra en dirección N-S que permite o acceso á zona polo sur.

3: Pequena masa de piñeiros.

4: Pastizal e toxal.

5: Pastizal que se extende cara a Gondomar.

6: Pista construida na década dos 90 coa finalidade de construir un aeródromo e que, por sorte para a zona,

quedou somentes niso. Naquela, xa ANABAM puxera alegacións e mantera sendas entrevistas con representantes de

Medio Ambiente para tratar de que o rpoxecto non fose adiante.

7: Regato, xa convertido na cabeceira do río Cereixo da Briña.

8:Zona pola que circulan as augas que orixinan o río Cereixo e humedal contiguo, mermado en

numerosas ocasións por mor de aterramentos, como o da pista de aeródromo.

9: Masa de eucaliptos na ladeira da montaña.

----------------------------------------------------------------------------------------

*NOTA: A postura do equipo de goberno do PP choca neste tema e no dos viñedos de Vilachán co escrito que esta formación nos enviou o pasado ano.

------------------------------------------------------------------------------------------------

Páx:35, Calculan un consumo de auga de 250 l por habitante e día.

COMENTARIO: Baseándonos nos cálculos que aparecen no proxecto, o consumo diario que necesita a zona residencial vai ser de 800.000 litros diarios. Sen embargo este dato non reflicte o gasto real, pois non se ten en conta a auga que consumen os dous campos de golf, a piscina, o local social e todos os demais servicios que se pretenden instalar na zona, ademais dos usuarios que se acheguen.

O tema da auga é fundamental xa que o custe do transvase dende Tui ata o campo vai ser elevado. O risco de que os demais teñamos que "subvencionar" esa auga pode ser alto.

Segundo fontes do Instituto Xeolóxico e Mineiro de España, a media do consumo de auga dun campo de golf estándar de 18 buratos está entre 1.500 e 2.000 m3/día (1.500.000 e 2.000.000 de litros diarios) nos meses de máxima irrigación, só referidos a un campo de golf. Se temos en conta que aquí se queren poñer dous campos de golf, piscina, hostelería, 800 vivendas, etc. O consumo diario de auga para esta zona de ocio vai ser moi superior á que consume calquera dos municipios do Baixo Miño, podendo chegar, a triplicar e aínda a sobrepasar o consumo dun municipio como A Guarda.

Actualizado o 11 de abril de 2007

CAMIÑANDO Á DESTRUCCIÓN

DO CHAN DE PINZÁS (Tomiño)

(II)

Continuamos analizando o proxecto de Estudio de Sostibilidade presentado polos interesados para obter o vistó bó da administración.

Páx. 25: ... as actividades que se propoñen van manter as condicións naturais sen que sufran degradación".

Como é posible decir que nos máis de 2.000.000 metros cadrados (+200 Ha) nos que se pretende actuar; onde se vai cambiar totalmente a fisonomía do terreo; onde se van construir 800 vivendas ademais doutras instalacións; onde se vai modificar de xeito radical o cauce do regato; onde se vai transformar o humedal e a superficie do terreo as condicións naturais vanse manter? Unha vez máis, os redactores do plan pretenden rirse do pobo, da poboación e dos cidadáns e tratan de enganarnos, coa presentación deste proxecto e no que nel se dí, co único obxectivo de conseguir o único que lles interesa: privatizar a zona e transformala nun grande complexo hosteleiro co fabuloso negocio de millóns de euros asegurados.

Páx. 27:...Os veciños de Pinzás que se integran na Comunidade de Montes en Man Común plantexaron o desenvolvementeo dun proxecto que integra a creación dun complexo deportivo...

Señores redactores, vostedes saben que os veciños de Pinzás non plantexaron nada. Foi a empresa quen lles plantexou interesadamente este macroproxecto que se pretende vender como unha idea dos veciños de Pinzás. Por certo que non todos están de acordo e unha grande maioría que o está é por descoñecemento e porque vostedes lle "lavan o cerebro" con visitas programadas e perfectamente estudiadas a outros campos de golf e con promesas que non dependen de vostedes, senón da administración.

Pax. 29: Un campo de golf en Galicia NON RESULTA RENTABLE POR SI MESMO..., é necesario proxectar o campo de golf como dotación deportiva dun complexo residencial.

Menos mal que recoñecen o verdadeiro interese "desta fabulosa oferta" que lles fan aos veciños de Pinzás e que en realidade é o que a vostedes lles interesa: primeiro a RENTABILIDADE e segundo, consecuencia do primeiro, o complexo residencial. Aínda que hai un pequeno desliz sen maior importancia neste caso. Os campos de golf sen un complexo residencial non só non resultan rentables en Galicia, é que non resultan rentables en ningunha parte. Para comprobalo, basta con dar un vistazo a maior parte dos campos de golf existentes na xeografía peninsular.

Páx. 29: Ó final a solución téñena as distintas admnistracións. Unha vez superados tódolos tramites, en Galicia seguiremos atopándonos co minifundio.

Polo menos estamos de acordo en algo: que a solución final está nas mans da administración. Pero que en Galicia sigamos atopándonos co minifundio, dende o noso punto de vista non ten por que ser unha situación negativa nin grave. O minifundio deu de comer a moita xente, a moitas familias. Incluso é un xeito de preservar as terras da voráxine de macroproxectos como este onde a poboación perde os seus dereitos, a súa forma ancestral de supervivencia e o seu apego á terra.

Páx. 30: Está constatada a imposibilidade de facer RENTABLE ECONÓMICAMENTE unha instalación adicada ao golf... se estes non van asociados a UNHA INICIATIVA INMOBILIARIA que rentabilizará a súa execución e mantenemento coa urbanización, e, en todo caso, coa construcción de vivendas, establecementos hosteleiros, centros comerciais, que atendan á nova poboación que utilizará a súa vivenda como lugar de residencia alternativa para o tempo de ocio..., coa promoción inmobiliaria se fae factible a construcción e mantenemento dos campos e instalacións deportivas.

Compartimos totalmente o que dín neste apartado. Recoñecen implícitamente cal é o negocio do campo de golf, e queda, alo menos nese parágrafo, fóra de toda dúbida ese "amor" polos cidadáns de Pinzás. As palabras que puxemos en negriña, son suficientemente explícativas e non necesitan máis comentarios.

Pax 30: volven a falar do "aproveitamento dos recursos naturais para facer EFECTIVA A SOSTIBILIDADE AMBIENTAL.

As toneladas de fertilizantes e outros productos químicos para manter o céspede para combatir plagas, enfermedades, animais, etc, etc., e que poden chegar a medio cento de productos químicos diferentes, irán para ás augas do río Cereixo da Briña, que discurre integrado neste macroproxecto, se infiltrarán na capa freática, que ademais nesa zona é moi superficial e por suposto producirá unha contaminación das mesmas que afectará a tódalas formas de vida, non só ás que se atopan nas inmediacións da zona de actuación senón que chegarán ata o río Miño transportadas polo río Cereixo. As consecuencias tamén chegarán a nós. Que sostibilidade ambiental poderá haber conn esta perspectiva e con cambio drástico no entorno? Que sostibilidade ambiental haberá nunha zona que hoxe é un humedal e monte e mañán será asfalto, cemento, verde artificializado, productos químicos a esgalla e milleiros de persoas?

Actualizado o 12 de abril de 2007

CAMIÑANDO Á DESTRUCCIÓN

DO CHAN DE PINZÁS (Tomiño)

(I)

Sen coñecer a estas alturas cal é o resultado das alegacións presentadas no seu día contra o macroproxecto destructivo dun dos humedais de montaña máis emblemáticos do Baixo Miño, está nestes intres, tamén a información pública, o ESTUDIO DE SOSTENIBILIDADE MEDIOAMBIENTAL no que se pode apreciar que, no que afecta ao proxecto, ven sendo unha copia do estudio de impacto ambiental presentado no seu momento.

Ó igual que sucedía con aquel, aquí, novamente, se trata de "vender" o proxecto e presentalo á sociedade como a panacea para Pinzás, onde os seus veciños vivirán esplendidamente, terán tódalas comodidades, se acabaron os problemas.

Pola nosa parte, cada dous días, para non darnos un atracón que nos volva tolos, iremos analizando o proxecto e expoñendo os puntos de vista sobre o mesmo.

ANÁLISE DO PROXECTO:

(Páx.21) "A proposta de Modificación puntual do PXOM de Tomiño a inicia a Comunidade de Montes Veciñais en Man Común da Parroquia de Pinzás"

COMENTARIO: Certo, pero detrás desta proposta está a empresa interesada no proxecto que leva á privatización e destrucción irreversible do Couto de Pinzás. No estudio, non se fae referencia para nada á citada empresa, tal vez conveña mantela, de momento, no anonimato e presentar o proxecto de tal xeito que pareza unha iniciativa dos veciños da parroquia.

(Páxina 21) "...creación dun sector de chan urbanizable delimitado no que se pretende facer posible a implantación dun área residencial de baixa intensidade".

COMENTARIO: Aquí se enmascaran tres feitos diferenciadores (aínda que no apartado no que se trata este asunto, os mesmos redactores recoñecen que ..."este simple enunciado non reflicte o alcance real da actuación que se pretende desenvolver" :

a/ dícese dun área residencial de baixa intensidade. Alguén pode crer que 800 vivendas que albergarán un mínimo de 2.400 persoas pode calificarse de baixa intensidade?

b/ Aínda facendo un esforzo e considerando que é un área residencial de baixa intensidade, cantas persoas máis se moverán polo entorno deste macroproxecto cando acudan ás instalacións que se pretenden construir que, directa ou indirectamente esixirán novas instalacións e servicios?

e 3/ como os redactores do proxecto recoñen máis adiante, este xerará novos aportes de residentes á zona, polo que, evidentemente, a bola de neve vai crecendo xa de xeito imparable e irreversible. Onde queda esa idea de "baixa intensidade"?, porque, directa ou indirectamente, este macroproxecto influirá de xeito determinado en todo o entorno e no que nel se xenere a partir do momento en que isto sexa unha realidade.

(Páx, 21): Do proxecto se desprende que a modificación que se pretende levar a cabo é á que afecta á zona residencial xa que as demais actividades se poderán implantar en terreos que manteñan a clasificación de chan rústico de protección forestal.

COMENTARIO: Independientemente que os campos de golf podan incluirse no chan rústico de protección forestal, preguntámonos se tamén neste mesmo chan rústico poden ir as demais instalacións que se pretenden construir: piscinas, cafeterías, local social, etc. etc., porque senón caen nunha contradición.

1.2. TITULARIDADE DOS TERREOS

A modificación que se pretende levar a cabo no PXOM afecta a 91,15 Ha de terreo pertencente na súa meirande parte á Comunidade de Montes. Estes terreos, hoxe de uso público e patrimonial dos veciños de Pinzás, queren privatizalos convertindoos en parcelas para a súa venda por parte dunha determinada empresa que, a conta diso, obterá sustanciosos beneficios e 800 privilexiados gozarán de "tener su chalecito al lado del campo de golf".

COMENTARIO: En primeiro lugar, os comuneros teñen a obligación ética e moral de non hipotecar o futuro dunhas terras que non lles pertencea eles, que as teñen en usufructo, senón tamén ás xeracións futuras.

En segundo lugar, os montes veciñais non poden venderse. Quen será o verdadeiro propietario desas hectáreas que se pretenden convertir en chalets?

Observemos que a maior parte dos terreos, nada menos que un 83,60 % da Modificación que se pretende facer (e que beneficia a unha determinada empresa) pertence á Comunidade de Montes que " regala" uns terreos a unha constructora.

1.3 XUSTIFICACIÓN DO PROXECTO

1. Garantizar a posibilidade de permanencia do núcleo de Pinzás e o arraigo dos veciños mediante a creación de novas fontes de actividade.

Isto non precisa comentario algún. Que non nos veñan a vender o pretendido interese por Pinzás ou polo arraigo da veciñanza. A empresa o que lle interesa é levar a cabo o proxecto, que será a que lle vai dar sustanciosos beneficios, así que non nos veñan con inocentadas.

(Páx 23) Fan referencia a outras formas de mellora das condicións económicas da zona, como a industria da transformación dos valores agropecuarios. Sobre isto sinalan: "traería como consecuencia unha sobreexplotación do medio natural... Esta transformación non melloraría as actuais condicións medioambientais pois esta industria esixe consumos e verquidos que resultan, en calquera caso, lesivos para a natureza"

COMENTARIO: Resulta cando menos chocante que digan que esa industria traería consumos e verquidos que resultan lesivos para a natureza. Cando, precisamente un dos problemas máis graves que teñen os campos de golf son precisamente OS GRANDES CONSUMOS DE AUGA QUE PRECISAN e A ENORME CANTIDADE DE PRODUCTOS QUÍMICOS (PLAGUICIDAS, INSECTICIDAS, ACARICIDAS, FUNGICIDAS..., ABONOS) QUE UTILIZAN e que, por suposto representan un claro dano para o ambiente e para a saúde.

Dicen que a industria da transformación non melloraría as actuais condicións medioambientais. A parte de que as condicións medioambientais o que precisan nestes intres é ser Í PROTEXIDAS, pretenden, acaso decir que o macroproxecto urbanístico que pretenden facer sí melloraría as condicións medioambientais? Como o farían? Co cemento? Coas 800 vivendas? Coa grande e extensa alfombra verde do campo de golf onde non se permite a presencia de toupeiras, lagartos ou raposos? Co raigras?

E da sobreesplotación do medio natural, que comentarios poderiamos facer se con este proxecto nin siquera xa se podería sobreexplotar nada¡¡

(Páx 25) O golf está deixando de ser un deporte que esixe un nivel económico alto-medio para prácticalo..."

Como eles recoñecen, está deixando de ser un deporte de nivel económico alto-medio, pero AINDA NON DEIXOU DE SELO. A todo isto, para practicalo haberá que ser socio do clube, pagar a cuota correspondente (que seguramente será dun bó puñado de euros que non estarán precisamente ao alcance da maioría). Pero non se trata só do golf, senón do que fae precisamente máis rentable o golf: as urbanizacións que van parellas ao mesmo, como eles mesmo recoñecen máis adiante no estudio do proxecto.

(Páx 26) A modificación ten a súa razón de ser en xerar un desenvolvemento residencial sostible que ofreza contacto real coa natureza

COMENTARIO: En que mente cabe semellante desfachatez. 800 vivendas, dous campos de golf, piscinas, local social... pode con isto haber un contacto real coa natureza? Pode chamarse a isto desenvolvemento residencial sostible? E se aínda así fose e tiveran a sorte de que lles deramos a razón. Quen vai estar en contacto con esa natureza que eles tanto parecen apreciar? Os 2.400 privilexiados que vivan a carón do campo de golf?

BAIXO MIÑO:

ÁREA COMARCAL DE INTERESE NATURAL

(ACIN)

1: COMPLEXO NATURAL DA GROVA:

ðA VALGA

ðPINZAS

ðTORROÑA

2: RÍO CEREIXO

BAIXO MIÑO:

ÁREA COMARCAL DE INTERESE PAISAXÍSTICO

(ACIP)

1: NIÑO DO CORVO (O ROSAL)