O mergullón cristado é unha das aves que parece estar en expansión. En galicia é sedentario na provincia de Ourense. No Baixo Miño pode verse de cando en vez, sobre todo no período de paso. Un exemplar foi visto por nós na visita efectuada o sábado 21 de agosto ao humidal do Arao, en Valença do Miño. Era un único exemplar que nadaba polas augas do Miño e cuxa tranquilidade, ao igual que a de máis dunha ducia de mergos pequenos e patos reais, víase interrumpida polo continuo paso de lanchas a motor, algo que dende o noso punto de vista debera erradicarse, favorecendo outro tipo de deportes náuticos como a vela, piragüismo, etc.

As embarcacións deportivas a motor son un lastre para a conservación e protección

do LIC do esteiro do Miño en condicións óptimas. Estas embarcacións producen efectos negativos

nas aves presentes no entorno. Na imaxe unha das embarcacións presentes o sábado 21 de agosto

pasado. (Foto Agustín Ferreira-anabam)