|
A ENTIDADE LOCAL MENOR DE CAMPOSANCOS COLABORA
CON ANABAM NA PROTECCIÓN E CONSERVACIÓN DA FLORA
DUNAR
As
pasarelas de madeira foi unha idea proposta por ANABAM no ano 2001 tanto ao
concello de A Guarda como ao Servicio Provincial de Medio Ambiente de
Pontevedra. Dende esa data, as tres entidades citadas adicaron partidas
económicas para a súa instalación. ANABAM invertiu nas mesmas máis de 6.000
euros. Deste xeito se conseguiu protexer a flora dunar e mesmo a
cosolidación das incipientes dunas, evitando que os usuarios da praia
pisotearan a vexetación e favorencen, á vez, o paso dos mesmos cara ao areal.
As dúas
fotografías pertencen á mesma zona. A foto superior foi obtida o 15 de
febreiro. A inferior o 20 de marzo. No interior do valado, a man de obra
posta pola Entidade Local Menor de Camposancos, eliminou os piñeiros que
ameazaban ás prantas propias das dunas, agora, a vexetación propia dos
areais poderá medrar sen problemas.
A
ENTIDADE LOCAL MENOR DE CAMPONSANCOS, tamén participa dende este ano
na conservación e protección dos valores naturais que posúe esta praia. O
día 30 de xaneiro pasado, matívose unha xuntanza na Casa da Entidade, na que
estiveron presentes Rafael Martínez, como Alcalde Pedáneo de Camposancos,
José Manuel Araújo (Técnico do Servicio Provincial de M.A.), Emilio Alonso
(Garda do citado Servicio) e Agustín Ferreira, como presidente de ANABAM. A
xuntanza tivo por obxecto falar de diversas actuacións relacionadas coa
flora presente neste espazo natural (a praia). Por parte de Medio Ambiente
se contrataría a unha empresa co fin de erradicar as canas que, cada vez en
maior proporción, están invadindo o areal, tamén se tiña previsto erradicar
na medida do posible os álamos. estes labores son continuidade dos iniciados
hai uns anos, por parte do citado servicio, para a eliminación de especies
exóticas. O responsable de ANABAM propuxo, asi mesmo, eliminar os piñeiros
que crecen na zona dunar valada, para levar a cabo esta última actuación, a
Entidade Local se encargaría da man de obra. A partir do mes de febreiro,
comezaron a desenvolverse as actuacións. Actualmente na zona valada xa non
queda ningún piñeiro. Agora, de cando en vez, membros de ANABAM percorren a
citada zona para ir arrincando os incipientes piñeiros que medran noa areal.
Dende xaneiro
pasado, o Servicio Provincial de Medio Ambiente ven eliminando o canaveiral
existente na zona LIC do baixo Miño. Na praia de Camposancos, onde nos
últimos anos o canaveiral estaba crecendo abrumadoramente, a intervención
levada a cabo, mesmo con métodos experimentais, trata de evitar que
Arundo donax, chamada tamén cana do país, acabe converténdose nun
problma.
|
