|
SENDEIRO PEONIL E
REHABILITACIÓN DAS
MARXES
É unha
actuación do Plan E, segundo lemos no cartel que da conta desta obra.
Trátase da "mejora del estado ecológico de los ríos de la cuenca del
Miño-Sil", do Ministerio de Medio Ambiente y Medio Rural y Marino. A
técnica utilizada para a recuperación das marxes (se é que había que
recuperalas) é de bioenxeñería. Neste senso, estamos a favor de utilizar
formas menos agresivas ao entorno, ao contrario do que sucedeu hai uns anos nas
proximidades do muíño das Aceñas, onde predomina o encaixonamento entre
bloques de granito.
Ao mesmo tempo
que se está actuando nas marxes, estase a habilitar un sendeiro peonil que
conduce dende a vella ponte de Isabel II ata o mencionado muíño das Aceñas.
Eiquí podemos ver, á dereita, o estado natural das marxes do río Tamuxe
cando se estaba a actuar no mesmo, con árbores e
sotobosque que crecen nas beiras irregulares do río en estado salvaxe,
propio deste ecosistema ribeirán. Nestas beiras desenvólvese unha grande
cantidade de vida animal: anfibios, réptiles, aves, mamíferos e milleiros de
insectos que atopan refuxo e alimento. A actuación, por suposto,
trastoca toda a cadea vivente das marxes.
Estado actual da rehabilitación dunha das marxes do río Tamuxe. A
bioinxeñería utilizada nesta actuación, resulta ser máis respectuosa co río
que as habituais medidas de contención tomadas ata o de agora a base de
bloques de granito.
Sen embargo, apreciamos unha perfección nas curvas que, evidentemente, non
se da na natureza. Estéticamente queda moi ben, moi agradable á vista
"urbana". Esperamos que en pouco tempo as marxes presenten o verdadeiro
aspecto que lle corresponde a unha ribeira fluvial.
O sendeiro peonil que se está a construir, discurre paralelo ao río. Á esquerda podemos apreciar a
actuación de rehabilitación das beiras.
Muíño das Aceñas á beira do río. O sendeiro peonil chega ata el.
Membros de
ANABAM observando o panel explicativo.
Vista parcial do Muíño das Aceñas. Ao fondo obsérvase a limpeza
realizada na beira do río.
|
