|
Fotos: Agustín Ferreira Lorenzo
Antes de nada, pedir disculpas polo título que lle damos á zona, pero era o
que tiñamos designado dende hai uns anos. En ANABAM incluímos este espazo
natural e paisaxístico como Elemento Natural de Interese Comarcal (ENIC).
No concello de Tomiño, parroquia de Figueiró, no monte propiedade desa
parroquia, atopamos unhas formacións rochosas, modeladas pola forza da auga
e do vento, que forman un fermoso conxunto paisaxístico que non só merece a
pena conservar senón admirar.
Xa, no ano 2005, ANABAM entablou conversas coas persoas que
por entón formaban parte da xunta directiva da Comunidade de Montes, para
convertir ese espazo nun Parque Xeolóxico. Esta asociación ofreceu o
seu asesoramento e mesmo colaboración para solicitar subvencións e a
declaración deste espazo como Monumento Natural. Estas conversas
foron, inicialmente por bó camiño, pero inesperadamente --segundo nos
comunicaron-- por decisión asamblearia, decidiron non facer nada por
protexer ditos rochedos. Supoñemos que tiñan medo de que ANABAM tratara de
quedarse co enclave, ou que non poidera adicalo a obter algún tipo de
beneficio. Perderon unha grande oportunidade.
A actual xunta directiva que rixe a citada Comunidade de Montes, parece ter
as ideas máis claras que a que lle precedeu. Amosa unha maior preocupación
por conservar e protexer estas formacións rochosas polo que, dende esta web,
queremos felicitalos por iso.
Sen embargo, e con ánimo de facer unha crítica positiva e constructiva, sen
pretender sacar méritos ou tirar por terra o feito ata agora, queremos facer
algunhas puntualizacións por si algunha delas poidese servir para mellorar
este precioso espazo natural. Estas puntualizacións as comentamos en cada
unha das seguintes fotografías:
Neste rochedo sería convinte dispoñer dun panel informativo solicitando que
as persoas non suban a el,
para evitar que se vaia deteriorando.
Este conxunto de rochedos, continuación do da fotografía anterior, forma un
muro que se prolonga lonxitudinalmente. As árbores existentes ao seu carón
deberían ser cortadas porque impiden unha visión completa do mesmo e, polo
tanto, non se aprecia a fermosura desta formación.
O banco de madeira, ademais de dar "o cantazo", está suxeto con
tornillos ao rochedo, algo que non debera haberse feito. Pensamos que
debería de retirarse este banco, que ademais cremos innecesario mesta zona.
O matorral chega ata outros rochedos que quedaron sen limpar. Pensamos que a
limpeza do mesmo debería extenderse algo máis para que se poda ver todo este
conxunto xeolóxico.
Este panel non nos parece o máis axeitado para esta zona. Vémolo moi
artificial e moi simplista. Consideramos máis interesante unha vista
panorámica da zona (fotografía) e, por suposto, eliminar algúns dos piñeiros
que hai diante co fin de poder observar perfectamente a zona. A base do
panel resulta certamente pouco agraciada para esta zona así como moi
endeble.
Este outro panel
informativo tampouco nos parece apropiado para a zona. As fotografías son de
mala calidade. Cremos que sería máis interesante e didáctico sinalar que
tipo de rocha é a que forman os penedos, como resultaron a partir dun
plegamento e como se produciron os buratos e as formas que teñen. Este panel
ten unha altura excesiva e, ó igual que o anterior, a base e inestable.
Esta masa de
piñeiros impide ter unha visión do conxunto de rochedos que conforman este
enclave. Dende o noso punto de vista, pensamos que sería preciso cortalos
para ter unha perspectiva do conxunto da zona.
Finalmente, bótase de menos unha mellor sinalización para chegar a esta
paraxe así como un panel informativo, co nome deste enclave, na entrada do
mesmo. Pensamos que, co tempo, debería poñerse un valado de madeira
delimitando este espazo natural. Tamén sería interesante solicitar á Xunta
de Galicia a súa inclusión como Monumento Natural.
En calquera caso, os anteriores son puntos de vista dende a nosa perspectiva
que non teñen necesariamente que coincidir cos da Comunidade de Montes de
Figueiró. Para rematar, reiterar unha vez máis, a nosa felicitación a
dita Comunidade.
|
