VARAMENTOS TARTARUGAS

É o segundo rexistro de varamento de tartarugas de coiro (Dermochelys coriacea) na costa do Baixo Miño no que vai de ano, e o terceiro rexistro se contabilizamos a atopada en Afife. O achádego produciuse nas proximidades do camping de Mougás, nas Mariñas. Isto pon de manifesto que esta especie (da que anualmente polo menos se rexistra un varamento nestes últimos anos) posiblemente se achegue ás costas galegas, e particularmente ao Baixo Miño e costa norte portuguesa, regularmente. As causas da morte destes exemplares, tal vez na maior parte dos casos, pode deberse á actividade humana, por exemplo, ao quedar enmalladas nas redes.

O exemplar rexistrado foi atopado o pasado 26 de maio. Como acontece na maior parte dos casos, o cadáver estaba en moi mal estado, mesmo coa cabeza destrozada, tal vez por bater contra os rochedos. Probablemente xa levaba morta un mínimo dunha ou dúas semanas

Un paisano contempla o cadáver da tartaruga.

Estado que presentaba o exemplar, onde se aprecia a cabeza destrozada e os efectos do paso do tempo

no caparazón coriáceo.

Actualizado o 05-04-2010

RESTOS DUNHA TARTARUGA EN AFIFE

Na praia de Afife foron localizados os restos dunha tartaruga de coiro (Dermochelys coriacea) xa en moi avanzado estado de descomposición. A observación foi realizada por Luis Dorado Senra, Antón Ferreira Lorenzo, Ricardo Portela Vilas e Elsa Rocha García, o sábado 20 de febreiro.

OUTRA TARTARUGA EN CABO SILLEIRO

Tamén ao sur de Cabo Silleiro foi localizado outro exemplar, igualmente en moi mal estado (que é o habitual que suceda con estas tartarugas). A información foinos facilitada por Antonio Valverde. A data do avistamento foi o 12 de marzo.