VARAMENTOS TARTARUGAS

A tartaruga de coiro (Dermochelys coriacea), é, dentro do grupo das tartarugas mariñas, a única da que temos noticias de varamentos de cadáveres na costa baixomiñota. Pode dicirse que tódolos anos algún cadáver aparece na citada costa.

Nesta ocasión o primeiro cadáver do que temos datos neste ano, foi visto flotando nas augas, fronte a Portecelo o pasado 16 de abril.

Iago Blanco Español, enviounos varias fotografías e facilitounos a primeira información da primeira tartaruga de coiro avistada neste ano. O exemplar, flotaba a escasos 100 metros dos rochedos próximos. (Fotografía: Iago Blanco Español ).

Polo aspecto que presentaba, a tartaruga xa debía levar varias semanas morta. (Fotografía: Iago Blanco Español ).

O sábado día 27 de abril, a tartaruga anterior era localizada por un pescador de cana quen comunicou a un membro de ANABAM, (Luis Dorado) a presencia da mesma nos rochedos próximos a Portecelo, na liña superior da marea. Marcos, un pequeno membro de ANABAM, contempla a tartaruga.

O exemplar era o mesmo que 10 días antes fora visto e fotografado por Iago Blanco. O estado que presentaba non deixaba lugar a dúbidas de que levaba bastante tempo morto.

Noé e Peque, membros de ANABAM, observando a tartaruga para proceder ao rexistro de datos.

Lonxitude total: 205 centímetros.

Lonxitude caparazón: 160 centímetros.

Lonxitude aleta: 82 centímetros.

Ancho aleta: 23 centímetros.

lonxitude cabeza: 23 centímetros

COORDENADAS LOCALIZACIÓN: X: 50965 Y:46438

COLABORADORES: Agustín Ferreira; Noé Ferreira Rodríguez; Manuel Ángel Pombal "Peque" e Marcos Pombal.

2006

Actualizado o 16-01-2006

CADÁVER DE TARTARUGA DE COIRO EN PEDORNES (OIA)

Tra-la información facilitada por Marcos, un xoven da Guarda, o domingo 15 de xaneiro desplazámonos ata a costa de Pedornes, no municipio de Oia, co obxecto de comprobar a presencia dun cadáver de tartaruga que, de acordo a dita información, se atopaba varado entre os rochedos. Alí estivemos comprobando que se trataba dun grande exemplar de tartaruga de coiro (Dermochelys coriacea), xa en avanzado estado de descomposición, de 195 cm de lonxitude e duns 75 cm de ancho. Se trata indudablemente dun exemplar adulto, polo que a su idade pode facilmente superar os vinte anos. O estado no que se atopaba non nos permitiu coñecer máis datos das posibles causas da súa morte. Na costa do Baixo Miño non é frecuente que aparezan este tipo de tartaruga aínda que en ANABAM temos observado ó longo destes vinte anos uns tres ou catro cadáveres ou restos varados na costa.

A tartaruga de coiro non ten un verdadeiro caparazón senón que éste é unha grosa pel que protexe ós seus órganos internos. O exemplar atopado presentaba un aspecto decolorido e tanto a cabeza como as extremidades dianteiras xa amosaban un avanzado estado de descomposición.

Detalle da cabeza na que se pode apreciar os efectos da descomposición, o que indica que o animal posiblemente levara máis de quince días morto, aínda que a súa presencia na costa pode ser máis recente.

A tartaruga de coiro é un dos réptiles máis amenazados en todo o mundo, polo que está catalogada como en perigo de extinción. A súa área natural e a costa atlántica americana chegando ás nosas costas a través da corriente do Golfo, logo dunha longa viaxe cruzando o Atlántico de oeste a este.

BAIXO MIÑO:

ÁREA COMARCAL DE INTERESE NATURAL

(ACIN)

1: COMPLEXO NATURAL DA GROVA:

ðA VALGA

ðPINZAS

ðTORROÑA

2: RÍO CEREIXO

BAIXO MIÑO:

ÁREA COMARCAL DE INTERESE PAISAXÍSTICO

(ACIP)

1: NIÑO DO CORVO (O ROSAL)