Foron 43 nenos e nenas de 3º e 4º cursos de primaria , xunto con 3 profes, os que se achegaron ao Rosal para participar na actividade de Educación Ambiental desenvolvida por ANABAM o pasado 29 de febreiro, nunha visita guiada aos Muíños do Folón e Picón.

Aproveitaron non só para enteirarse dalgúns aspectos relacionados cos muíños, como os símbolos que aparecen en varios lugares

dos mesmos, senón tamén, coa natureza do entorno, fundamentalmente das árbores exóticas, da súa procedencia, etc. A actividade desenvolveuse ao longo de dúas horas e media, facendo o circuíto completo deste excepcional conxunto etnográfico.

ALUMNOS DE 1º E 2º DE PRIMARIA

DO CRA DO ROSAL

A Aula da Natureza "Muíño das Aceñas, abriu novamente as portas para recibir a 45 nenos de primaria, xunto con catro mestres, procedentes do

CRA do Rosal. Esta visita debería terse realizada antes de finalizar o ano, pero por mor da chuvia, vímonos na obriga de

suspendela por dúas veces. Por fin o pasado venres 27, cun espléndido día, as nenas e nenos puideron gozar dunha mañá diferente.

ALUMNOS DO CICLO DE FORESTAIS

DO IES DE TOMIÑO

      O xoves, 19 de xaneiro, 31 alumnos de 1º e 2º curso do Ciclo Medio de Forestais do IES de Tomiño, acompañados por catro profesoras, participaron nunha visita ornitolóxica guiada pola desembocadura do Miño organizada por ANABAM. Ás 9,30 chegaban todos eles a Estación ornitolóxica, sendo recibidos por personal de ANABAM, alí permaneceron un tempo vendo a exposición e posteriormente recibindo unha pequena charla ornitolóxica. De seguido saíron ao exterior para efectuar unha primeira observación dende as inmediacións da Estación Ornitolóxica, logo continuouse cara aos observatorios.

CEIP DE RANDUFE (TUI)

      34 alumnos de 3º e 4º de primaria, acompañados por tres mestres, viñeron dende Randufe (Tui), para velas aves acuáticas do esteiro do Miño, unha actividade que foi acompañado por unhas temepraturas algo baixas pero que iso non impediu que os nenos e nenas puideran observar algunhas das aves que encontran nesta paraxe un recuncho onde pasar o inverno.

   Todos os participantes estiveron moi activos e así, podemos velos na fotografía da dereita no momento de cubrir o caderno de traballo.

     E aquí, para non ser menos, os alumnos de 3º e o seu profe. Nótase que disfrutaron da mañá a pesares de que ía algo de frío.

CEIP "MANUEL R. SINDE" - A GUARDA

      Foron 32 alumnos de 5º e 6º de primaria do Colexio M R Sinde que viñeron, un ano máis, a observar as aves acuáticas. Acompañados de tres mestres, viñeron andando dende o seu colexio ata a estación Ornitolóxica, onde recibiron as pertinentes explicacións do material que hai exposto así coma da visita que ían facer. Logo emprenderon o camiño á área ornitolóxica para ver as aves.

    Na fotografía os alumnos de 5º coa súa profesora.

    Cubrindo o caderno de traballo, logo das explicacións recibidas. O caderno serve como guía de aves, xa que nel se atopan as fotografías das especies máis doadas de ver, e coma caderno de anotacións das observacións e explicacións que se lle deron previamente na Estación.

     Grupo de alumnos de 6º curso acompañados do seu mestre. Este Colexio, ao igual que outros moitos, son asiduos participantes nestas visitas que adoitan realizar tódolos anos.

VISITAS GUIADAS DOS CENTROS DE ENSINO:

PAZOS DE REIS (TUI) E

IES FCO. SÁNCEZ (TUI)

     O luns 7 de novembro, 29 alumnos de 3º e 4º curso de primaria do CEIP de Pazos de Reis, Tui, desprazáronse acompañados de tres profesores, ata A Guarda para participar na actividade de observación de aves acuáticas organizada por ANABAM. Logo de observar o material exposto na Estación Ornitolóxica e das explicacións dadas polo monitor da mencionada asociación, iniciaron o percorrido ata os observatorios ornitolóxicos onde puideron observar garzas, garzotas, patos e diversos limícolas. Para levar a cabo estas observacións, dispuxeron de material óptico así coma de cadernos de traballo.

    Por outra banda, 15 alumnos de 4º de ESO e 1º de Bacharelato do IES Fco Sánchez, xunto coa súa profesora de Bioloxía, participaron tamén nesta actividade realizando unha visita o venres 11 deste mes de novembro. Nesta ocasión o tempo non nos acompañou e cando eran pouco máis das 11.30 horas, a chuvia fixo acto de presenza, polo que nos vimos obrigados a ter que suspender a observación ornitolóxica, sendo substituída por outra actividade alternativa como foi a visita ao Museo do Monte Trega, onde os alumnos recibiron por parte da persoa que está alí, unha estupenda charla relacionada co poboado castrexo.

NOVA VISITA DE ALUMNOS DO O CPI "M. SUAREZ MARQUIER" DO ROSAL

Á AULA DA NATUREZA "MUÍÑO DAS ACEÑAS"

      Ás 10 da mañán do día 18 de outubre, 27 alumnos do CPI M. S. Marquier, participaron nunha actividade didáctica desenvolvida na Aula da Natureza "Muíño das Aceñas". No interior da Aula observaron a Exposición permanente que alí está instalada, participaron nun xogo de identificación de anfibios, viron un documental producido por ANABAM do entorno da Aula e, finalmente, saíron ao exterior para desenvoover a actividade práctica relacionada coa vexetación dos arredores.

    Ás 11.30, outro grupo de alumnos, 31 en total, do mesmo centro, esta vez de 3º da ESO desenvolveron as mesmas actividades que os seus compañeiros  da visita anterior. En ámbolos dous casos, estiveron monitorizados por persoal de ANABAM e apoiados cos respectivos cadernos de traballo que tiñan que ir cubrindo logo das correspondentes explicacións e observacións de campo.

CPI "MANUEL SUÁREZ MARQUIER" (O Rosal)

     O venres 7 de outubro pasado, demos comezo á tempada 2011-2012 de visitas guiadas destinadas aos Centro de Ensino que desexen participar nas mesmas. O CPI "M.Suárez Marquier" de O Rosal, foi o centro que inaugurou estas visitas que, ademais, inaugurou tamén a nova oferta que ofrece ANABAM: a Aula da Natureza "Muíño das Aceñas" e o seu entorno, polo que esta asociación dispón, nestes momentos, ata de seis posibilidades para aprender e coñecer o entorno do Baixo Miño.

     As visitas son totalmente gratuítas, contan con diverso material e medios, así coma con monitores para sacar o máximo proveito das mesmas.

Para máis información sobre estas visitas premer en EDUCACIÓN AMBIENTAL

   Na fotografía grupo de alumnos de primeiro da ESO do Colexio M. Suárez Marquier.

     Cada alumno dispón dun caderno de actividades que deberán ir cubrindo de acordo ás observacións realizadas e das explicacións impartidas polo monitor.

    A duración das visitas é dun mínimo de hora e media, poidendo chegar ata as 3 horas, dependendo do tipo de visita e, sobre todo, do tempo que dispoña o centro.

Os alumnos do CPI "M. Suárez Marquier" estiveron na Aula en dous turnos, o primeiro que contou con 28 alumnos de 3º da ESO, estiveron dende as 10 da mañá ata as 11.30; o segundo, con 27 escolares de 1º da ESO, dende as 12.00 ata as 13.30 horas.

    A visita á Aula "Muíño das Aceñas", logo de dala benvida, dunha lixeira explicación, e de deixar que os escolares observen pola súa conta o material expositivo duante uns minutos, consta de tres partes: a primeira relacionada co que hai no interior da aula, facendo partícipes aos escolares do material interactivo; a continuación o pase dun vídeo que nos da conta do entorno da Aula e a terceira parte xa está relacionada co exterior da mesma, percorrendo os arredores para observar o entorno.