Máis de 70 integrantes da ANPA  do colexio de Frián (Teis-Vigo), contanto nais, pais e fillos, organizaron unha visita ornitolóxica ao Esteiro do Miño, acompañados por ANABAM. Foi o sábado 21 de xaneiro, nunha xornada espléndia tanto polo día que fixo como polo interese amosado polos participantes. Todos gozaron durante un par de horas coa observación das aves. Previamente foron recibidos na Estación Ornitolóxica onde tamén viron a exposición permanente que se atopa nela.

Fotos: Agustín Ferreira Lorenzo

Manuel A. Pombal Diego

Textos: Agustín Ferreira Lorenzo

ANDAINA  ORNITOLÓXICA

POLO ESTEIRO DO MIÑO

     Foi a primeira actividade púbica organizada por ANABAM deste ano 2012 recén iniciado. Desenvolveuse pola ruta da marisma o pasado domingo, 8 de xaneiro e nela participaron 21 persoas que viñeron de Vigo, Tui, Tomiño, O Rosal, A Guarda e Vila Praia de Áncora.

    Dende as 10.30 horas e ata as 13.00 horas, tal e como estaba previsto, desenvolveuse esta actividade que, tal e como puidemos comprobar, foi do agrado de todos, ademais, o tempo acompañounos o que favoreceu tamén unha cómoda observación das diferentes especies de aves observadas.

     A tódolos participantes se lles fixo entrega de tres publicacións editadas por ANABAM (unha monografía da zona: Guía para andar por el estuario del Miño;unha monografía dun dos insectos da praia máis ameazados: Eurynebria complanata no Baixo Miño e norte de Portugal, un insecto en perigo, e o caderno didáctico: Ornitoloxía no Esteiro do Miño, ademais do vídeo:Ruta ornitolóxica polo Baixo Miño).

    A recepción dos participantes fíxose na Estación Ornitolóxica. Logo, dende o exterior da mesma procedeuse a realizar a primeira observación cara á zona de maior querencia ornitolóxica, ou sexa, en dirección aos observatorios. Posteriormente dirixímonos hacia os citados observatorios. Tódolos asistentes contaron cos seus prismáticos, ben propiedade dos mesmos ou ben prestados por ANABAM, así como dispuxeron de cinco telescopios que permitiron observar con detalle ás diferentes aves que se atopaban nos arredores.

  O que máis impresionou foi a observación da aguia peixeira pousada nun areal comendo un peixe. Todo un espectáculo que quedou na retina dos asistentes a esta andaina.

Bilurico pativerde, un dos limícolas observados (Foto: Salva Moreira).

En primeiro plano agullas (mazaricos) rabipintos (Foto: Salva Moreira).

     As diferentes especies observadas, foron as seguintes:

     -Garza real (Ardea cinerea)

     -Garzota (Egretta garzetta)

     -Corvo mariño cristado (Phalacrocorax carbo)

     -Lavanco real (Anas platyrhynchos)

     -Pato asubión (Anas penelope)

     -Cerceta real (Anas crecca)

     -Avefría (Vanellus vanellus)

     -Mazarico real (Numenius arquata)

     -Mazarico galego (Numenius phaeopus)

     -Mazarico rabipinto (Limosa lapponica)

     -Bilurico pativerde (Tringa nebularia)

     -Pilro bulebule (Calidris alba)

     -Píllara cincenta (Pluvialis squatarola)

     -Aguia peixeira (Padion haliaetus)

     -Tartaraña arpella (Circus aeruginosus)

     -Gaivota chorona (Larus ridibundus)

     -Gaivota clara (Larus cachinnans)

    Antes de empezar a andaina, os asistentes á mesma reuníronse na estación Ornitolóxica onde se lles explicou o motivo da mesma.