|
Hai tres anos, descubríase para o Baixo Miño a andoriña dáurica (Hirundo
daurica), en dous puntos distantes entre sí da comarca baixomiñota:
un en Goián (Tomiño), no lateral dereito dunha casa particular, nas
proximidades do río Tollo (Agustín Ferreira Lorenzo), e outro en Tui,
baixo un pequeno viaducto da autovía Tui-Vigo, nas proximidades do empalme
Tui-Guillarei (Emilio Alonso Gómez). Pois ben o pasado sábado 11 de
xullo, un equipo de ANABAM (Ricardo Portela Vilas e Agustín Ferreira
Lorenzo), levaron a cabo unha ruta que deron en chamar "ruta das
andoriñas" que tiña por finalidade recabar datos de andoriña das
barreiras (Riparia riparia) e da andoriña dáurica. A única zona
de aniñamento actual coñecida por nós no Baixo Miño, desapareceo
totalmente hai uns días polos aterramentos que se están efectuando na zona.
Este enclave estaba situado nos viñedos existentes a carón da estrada A
Guarda-Goián. Da andoriña dáurica que aniñaba en Goián, non atopamos rastro,
o niño estaba destruido, cousa que xa acontecera na visita que realizamos o
pasado ano. Dirixímonos cara a Tui co ánimo de controlar os dous niños que,
a priori había alí o pasado ano. Pois ben, un deles continuaba operativo e
mesmo observamos como a parella aportaba alimento ao interior do niño. O
outro dos niños estaba destruído, situado, ó igual que o anterior, baixo un
dos viaductos. Decidimos investigar polos arredores, e cal non sería a nosa
sorpresa cando observamos unhas andoriñas que revoloteaban a poucos metros
do chan capturando alimento. Acababamos de ter a primeira observación de
andoriña dos penedos (Ptyonoprogne rupestris) do Baixo Miño e,
probablemente, do suroeste da provincial de Pontevedra. O niño atópase
situado nun lateral dun dos viadurctos existentes na zona, tendo catro polos
no seu interior. Pero a sorpresa viuse acrecentada ao observar un mínimo de
catro niños de andoriña dáurica (un deles destruído, outro completo pero
posiblemente non operativo e dous en plena actividade) e ao menos dúas
parellas na zona con continuas entradas e saídas aportando alimentos a dous
destes niños.
Andoriña dos
penedos. A zona ventral non é abrancazada como sucede coa andoriña de cu
branco. Ademais destaca moito en vó unhas marcas abrancazadas na cola, moi
visibles.
Fotografía: Crag
Martin
Primeiro plano dunha andoriña dos penedos
Os aterramentos que se están a producir a carón dos
viñedos de Tabagón, ocultaron definitivamente o que podería ser o único
enclave de aniñamento da andoriña das barreiras do Baixo Miño.
No ano 2006 descubríanse os dous primeiros niños de
andoriña dáurica do Baixo Miño. O da fotografía, ubicado en Goián, soamente
estivo operativo ese ano. O niño segue igual que o atopamos o pasado ano:
destruído e sen ser utilizado. Foto: Agustín Ferreira Lorenzo-anabam
(12-07-2008).
Un dos niños de andoriña dáurica, xa destruído, atopado no viaducto onde ao
menos hai outros tres niños, dous deles plenamente operativos, ademais
doutro niño de andoriña dos penedos..
Niño de andoriña dos penedos situado nun dos viaductos existentes en Tui.
Niño de andoriña dáurica situado no mesmo viaducto, e a poucos metros do
anterior.
Viaducto no que se atopan os niños de andoriña dáurica e
andoriña dos penedos.
|
