Presentación
Queremos seguir dando a coñecer os valores que ten o entorno do Baixo Miño iniciando
un novo apartado, denominarémolo “Guía Anabam das Áreas Recreativas do Baixo Miño”, e tentaremos documentalo sen extendernos
tampouco demasiado en explicacións, deixando ao interesado que non coñeza estes lugares unha porta aberta a súa curiosidade.
¿Que
é unha Área Recreativa?
Son lugares escollidos normalmente porque posúen unha beleza natural, facil
acceso, e estar acondicionados para proporcionar un servizo recreativo: contan, xeralmente, con auga potable e unha serie de equipamentos,
nos que se trata de achegar a natureza aos cidadáns visitantes.
Como consecuencia dunha medida que nós consideramos
errónea, a prohibición de utilizar os asadeiros das Áreas Recreativas nas zonas de monte dos concellos que teñen a declaración
de Zonas de Alto Risco (Z.A.R.) de incendio durante o verán, estes lugares están cada vez máis en desuso e algúns incluso moi abandonados.
Non se quixo facer, ou non foi posible tomar as medidas necesarias co fin de adecuar as Áreas Recreativas para que reuniran as suficientes
medidas de seguridade que permitiran facer uso do lume nelas de xeito responsable, e iso foi o motivo principal da perda de uso e
o abandono destes lugares, sitios meritorios pola súa paisaxe cando menos, e ás veces tamén por outras características, entre as que
naturalmente estarán as plantas que neles habitan.
Son, por definición, lugares pensados para o recreo
e o acercamento das familias á natureza, e nestes momentos apenas cumpren a súa función; pero parece que esta prohibición pode ter
reparación na nova Lei de montes que nas modificacións a Lei 3/2007, do 9 de Abril de prevención e defensa contra
os incendios forestais de Galicia di así:
Artigo 36 – 4. “ Excepcionalmente a consellería con competencias
en materia forestal poderá autorizar áreas recreativas incluídas en zonas de alto risco de incendio nas cales se poidan preparar alimentos,
sempre que conten cos requisitos, instalacións e equipamentos especificos que se sinalen regulamentariamente.
Zonas de
alto risco de incendio: Así clasificadas pola Consellería, poden ter delimitación de parroquia ou municipio.
(Os concellos do
Baixo Miño están todos declarados como zonas de alto risco de incendio).
Epocas de perigo: Clasificadas como perigo alto,
perigo medio, perigo baixo.
Indice de Risco Diario de Incendio Forestal, IRDI: Establece o nivel de risco diario que pode ser
Baixo(1), Moderado(2), Alto(3), Moi Alto(4) Extremo(5)
Nas épocas de Perigo Alto (normalmente no verán do 1 de Xullo ao 30 de
setembro e calquera outra época do ano nas que as condicións sexan adversas) ou fora destas épocas e cando o IRDI sexa Moi Alto ou
Extremo:
Está prohibido nas zonas forestais ou de influencia forestal realizar fogueiras para recreo ou ocio e para confección
de alimentos así como utilizar equipamentos de queima destinados á iluminación ou preparación de alimentos.
Como consultar o
IRDI: No portal da Conselleria do Medio Rural, apartado Forestal, sección Incendios forestais, IRDI
Ou premendo no seguinte enlace:
EQUIPO RESPONSABLE
AXENTE FORESTAL..............................................Emilio Alonso Gómez (Arriba)
AXENTE FORESTAL.................... José Miguel Escanciano Maricalva (Esquerda)
AXENTE FORESTAL................................................Ricardo
da Silva Diz (Centro)
FOTÓGRAFO............................................................Luis Dorado Senra (Dereita)
COLABORADORES...................................................Membros
do GT de ANABAM