|
| |
|
Actualizado o 15-05-2008 |
|
LIMPEZA A MAN DA PRAIA DE CAMPOSANCOS (A
GUARDA)
Temos que felicitar ao Concello
da Guarda, e especialmente á Concellaría de Medio Ambiente que dirixe o
concelleiro Javier Crespo, por poñer en práctica unha política ambiental
coherente coa conservación e protección do medio ambiente. É algo que vimos
pedindo en ANABAM dende hai moito tempo e que ata agora soamente conseguimos
de xeito parcial nestes últimos anos: a limpeza manual da praia de
Camposancos.
Con este proceder se
consigue, por unha banda, minimizar os efectos que a maquinaria produce no
areal, como pode ser a destrucción das raíces das plantas dunares ou a
eliminación de eirugas e imagos de insectos que teñen o seu hábitat
exclusivo nos areais, como sucede co escaravello Eurynebria complanata.
Ademais, tamén se evita favorecer a erosión do areal, pois a area non se
remove en demasía favorecendo que as raíces das plantas contribúan a
fixación do areal.
Pero tal vez o máis
importante sexa a imaxe de respecto ó medio natural que con esta práctica se
da cara ó exterior e que di moito en favor
dun concello que, polo menos neste caso, pretende poñer en práctica medidas
sustentables e sostibles.
Vaian, pois, os nosos parabéns aos responsables municipais.
Catro operarios traballaron durante
varios días para deixar a praia en condicións de ser utilizada polos
bañistas.
Os restos vexetais e demais
materiais eran acumulados coa axuda de rastrillos para logo seren
transportados ata a parte superior do areal.
Posiblemente sexan poucas as
praias galegas, e aínda do norte portugués, que poñan en práctica medidas de
protección, conservación e divulgación como as que se levan a cabo na praia
de Camposancos; medidas iniciadas por ANABAM
e que continúan xunto coas que pon en marcha o Concello guardés.
|
|
COLECCIÓN
MALACOLÓXICA
IGNACIO NAVARRO
|
|
Actualizado o 05-05-2008 |
|
O Concello da Guarda conta, dende hai un par de anos, cunha colección de
conchas de varios miles de exemplares que pertenceu no seu día ao arquitecto e
malacólogo vigués, xa falecido, Ignacio Navarro. Esta colección foi adquirida
polo citado Concello por 10.000 euros á viúva quen, nunha primeira ocasión, hai uns cinco ou seis anos,
tiña pensado doala ao concello guardés, que non soubo ou non quixo por aquel entón,
aproveitar a magnífica ocasión que tiña.
Hai
dous anos, o que por entón era o Concelleiro responsable de Medio
Ambiente. Ignacio Saa, púxose en contacto co Presidente de ANABAM,
Agustín Ferreira, para conseguir una colección relacionada co Medio
Ambiente e co Mar con destino ao futuro Museo do Mar. Este último
barallou a posibilidade de contar coa colección malacolóxica de Ignacio
Navarro, que xa fora ofertada de xeito gratuíto ao Concello uns anos antes
pola súa viúva, como dixemos máis arriba. Así que o Presidente de ANABAM contactou con Emilio
Rolán, moi relacionado coa familia de I. Navarro. Rolán, unha autoridade
mundial en malacoloxía, xa se movera
para que a colección de I. Navarro viñera para A Guarda, así que
novamente colaborou para que esa colección estivera nesta localidade, cousa
que finalmente se conseguiu, aínda que non de xeito gratuíto, pois esta
oportunidade se perdera. O custe da adquisición dos varios milleiros de
cunchas foi de 10.000 euros.
Algunhas destas cunchas, as máis curiosas e rechamantes, serán expostas na réplica da
Atalaia tra-la súa
conversión en Museo do Mar. Este Museo podería abrir as súas portas no
vindeiro mes de maio.
Emilio
Rolán, á esquerda, Agustín Ferreira, no centro e Ignacio Saa, á
dereita preparando parte das cunchas que serán expostas no futuro Museo
do Mar.
Algunhas
das cunchas que estarán expostas nas vitrinas do Museo do Mar.
Buccínidos,
Tróquidos, Cásidos, Cónidos, Volútidos, Cipreidos, Murícidos..., son
algunhas das familias cos que conta a colección Ignacio Navarro
propiedade do Concello da Guarda.
Algunhas
pezas son realmente fermosas, como estes Volútidos da fotografía.
Emilio
Rolán ordenando algunhas das conchas que estarán expostas no Museo.
Conus
gloriamaris foi considerada, ata hai algúns anos, unha das especies
máis raras e máis apetecidas polos coleccionistas.
Agustín Ferreira e Ignacio Saa seleccionado algunhas
das cunchas que serán expostas no Museo do Mar da Guarda. |
|
O CONCELLO DA GUARDA CONTARÁ
CUNHA INTERESANTE COLECCIÓN MALACOLÓXICA
A
petición do Primeiro-teniente de Alcalde e responsable de Medio Ambiente no
concello de A Guarda, Ignacio Saa, ANABAM, a través do seu presidente,
colaborou coa entidade municipal guardesa para que este concello se fixera
cunha das máis interesantes coleccións de cunchas mariñas existentes no sur
de Pontevedra, composta por máis de 20.000 exemplares. Parte desta colección
está prevista expoñela no futuro Museo do Mar (posiblemente as pezas máis
vistosas) e o resto da colección servirá para que estudiosos e
investigadores podan obter datos, así no lo dixo no seu día o citado
concelleiro guardés.
As conchas
pertenceron ao médico malacólogo Nacho, compañeiro en moitas expedicións do
Dr. Emilio Rolán, experto mundial en Malacoloxía e membro desta asociación.
Coa morte prematura de Nacho as conchas quedaron case sen sentido, pois para
adicarse a elas fai falla paciencia e interese pola Malacoloxía. Ante este
panorama, a súa viuda e o seu fillo non querían que o traballo do marido e
pai, respectivamente, quedara valeiro. No ano 2002, por mediación do Dr.
Emilio Rolán, esta colección ía ser donada ó Concello da Guarda para o Museo
do Mar, que naquel entón se tiña previsto facer xa. Museo que tamén ía
albergar ó material de ANABAM. Nese cometido andaban Emilio Rolán e o
presidente de ANABAM, Agustín Ferreira. Somentes faltaban uns pequenos
arranxos na "Atalaia", local que ubicaría o Museo, e en poucos meses xa o
material se empezaría a colocar. Incluso Emilio Rolán, Carmen (Concelleira
de Turismo na Guarda e encargada de levar adiante o Museo) e o presidente de
ANABAM, realizaron unha visita a ese lugar. Pero a cousa, finalmente quedou
en nada. No mes de febreiro pasado, Ignacio se puxo en contacto co
presidente de ANABAM para retomar o tema do Museo do Mar, solicitando a
colaboración desta asociación para atopar unha colección destinada a este
Museo e coa finalidade de solicitar unha subvención ao PRODER. ANABAM que
seguía e sigue ilusionado con que A Guarda conte cun Museo do Mar de
carácter municipal, prestou todo o seu apoio. Pero o desinterés amosado polo
concello hai case que cinco anos, levou a viuva de Nacho a poñer en venda a
colección xa que ela non podia facerse cargo da mesma. A colección foi
vendida ó concello da Guarda por 10.000 euros. ANABAM apoiou esta compra que
ademais contou coa valoración positiva do Dr. Emilio Rolán quen se ofreceo a
colaborar na mesma. Nos parece unha excelente adquisición que esperamos
poder contemplar a curto plazo ben no futuro Museo do mar ou noutro local.
Chus, viuva do médico e malácólogo Nacho, e Ignacio Saa,
artíficie no concello guardés da adquisición desta
importante colección malacolóxica.
Diversas cunchas e estrelas de mar que forman parte do
material adquirido polo concello.
Algunhas das cunchas que se poderán ver nun futuro
inmediato
nunha exposición que está previsto facer, posiblemente,
dentro de poucos meses.
Tres das fermosas conchas que forman parte da colección
malacolóxica do concello da Guarda.
Diferentes modelos, formas e cores desta excepcional
colección que
engrandece sen lugar a dúbidas o patrimonio cultural do
concello guardés.
|
| |
|
BAIXO MIÑO:
ÁREA
COMARCAL DE INTERESE
PAISAXÍSTICO
(ACIP)
1: NIÑO DO CORVO (O ROSAL)
|
|
BAIXO MIÑO:
ELEMENTO
NATURAL DE INTERESE COMARCAL
(ENIC)
1: ROCHEDOS DE FIGUEIRÓ (TOMIÑO)
2: FERVENZAS (O ROSAL; OIA)
3: CARBALLOS CENTENARIOS DE TEBRA (TOMIÑO)
4: FENTOS ARBOREOS DE OIA
|
|
ELEMENTOS
PATRIMONIAIS DE INTERESE NATURAL E PAISAXÍSTICO
(EPINP)
CETÁREAS
MUÑOS DE VENTO
PESQUEIRAS
|
|
LUGAR DE
INTERESE COMUNITARIO
(LIC)
BAIXO MIÑO
|
|
ZONA DE
ESPECIAL PROTECCIÓN DE AVES
(ZEPA)
DO ESTEIRO DO MIÑO
|
|
