PRACTICAS UNIVERSITARIAS 2020 - Asociación Naturalista "Baixo Miño" (ANABAM)

ANABAM
Apdo 59 (Calvario, 44-baixo) 36780-A Guarda (Po) Móbil-WhasApp: 61 61 80 557 Correo electrónico: anabam.anabam.@gmail.com
ANABAM
Vaya al Contenido

PRACTICAS UNIVERSITARIAS 2020

ANABAM
- Un ano máis, ANABAM pon en marcha a posibilidade de que os estudantes da rama de Bioloxía, poidan realizar as súas prácticas nesta asociación.

          -As persoas interesadas poden elixir as datas entre os meses de:
                   1º: Marzo a xullo
              
A realización das prácticas pode centrarse nunha determinada actividade ou en varias das que máis adiante se sinalan, o cal será determinado pola propia asociación.

-As prácticas poden desenvolverse en calquera zona da bisbarra do Baixo Miño galego-portugués (Tui, Tomiño, O Rosal, A Guarda, Oia e marxe portuguesa do río Miño dende Valença ata Afife).

  -Algunhas das prácticas precisan de medio de transporte, polo que se valorará, se fose o caso, este requisito.

  -Inicialmente a xornada diaria é de 5 horas, de luns a venres, normalmente en quendas de mañán (tres), e de tarde (dúas). Ademais, cada fin de semana debe enviarse unha memoria do realizado durante a semana.

   - O número máximo de prazas ofertadas é de catro por cada período.

 - Por tratarse dunha ONG conservacionista que destina os seus recursos económicos aos proxectos e accións ambientais que desenvolve, non é posible remunerar as prácticas.

Calquera dúbida ou máis información contactar por
                                 WhasApp: 61 61 80 557
  Ou correo electrónico: anabam.anabam@gmail.com


PRÁCTICAS A DESENVOLVER

PROXECTO LARUS
ZONA DE TRABALLO: Núcleo urbano da Guarda.
OBXECTIVO: Recollida de datos relacionados coa nidificación de gaivotas na Guarda.                   
PROXECTO PÍLLARA/BORRELHO
ZONA DE TRABALLO: Praia de Camposancos (A Guarda) e praias do norte portugués.
OBXECTIVO:Protección e estudo da nidificación da píllara das dunas (Charadrius alexandrinus).

PROXECTO EURYNEBRIA
ZONA DE TRABALLO: Praias norte portugués (Camiña-Paçô: 15 quilómetros).
OBXECTIVO: Localización do coleóptero Eurynebria complanata nas praias do norte portugués e recollida de datos.

PROXECTO COREMA
ZONA DE TRABALLO:Piñeiral de Camarido (Caminha).
OBXECTIVO: Rexistrar o número de plantas de Camariña (Corema album), así como o estado e características de cada exemplar.

CENSO COTORRAS DE ARXENTINA
ZONA DE TRABALLO: Núcleo urbano da Guarda.
OBXECTIVO: Recollida de datos relacionados coa nidificación e presenza de cotorras na Guarda.

PROXECTO BEMBIX
   ZONA DE TRABALLO: Praia de Camposancos e Monte Terroso (AGuarda), eventualmente poden ser elexidas outras zonas.
   OBXECTIVO: Recoller información relacionada coa nidificación das avespas escavadoras.

ANDORIÑAS DE CU BRANCO/ANDORIÑA DÁURICA
ZONA DE TRABALLO: Baixo Miño galego-portugués.
OBXECTIVO: Censo de niños das dúas especies de andoriñas citadas, no Baixo Miño galego-portugués.

NOTA: ANABAM, pode engadir algunha práctica máis no caso de iniciar algún novo proxecto ou estudo durante o período de prácticas.
ASINADO CONVENIO DE COLABORACIÓN


   Ademais, tamén o CIFP (Centro Integrado de Formación Profesional) A Granxa de Ponteareas interesouse para que alumnos dese centro poidan realizar as prácticas en ANABAM.



Regreso al contenido