|
PRÓXIMAS DATAS DE PROSPECCIÓN COSTEIRA
PARA RECOLLIDA DE DATOS DE POSIBLES
VARAMENTOS DE CETÁCEOS, TARTARUGAS E FOCAS.
XUÑO
DO XOVES 6 AO DOMINGO 8
DO XOVES 27 AO DOMINGO 29
As persoas que desexen colaborar nestas prospección poden
poñerse en contacto con ANABAM para asignarlles as cadrículas
correspondentes.
Tamén as persoas que estean interesadas na prospección
dunhas determinadas cadrículas ou que acostuman facer percorridos pola costa
do Baixo Miño, poden enviarnos os datos que recollan dos varamentos que
observen, sen necesidade de ter que axustarse ás datas "oficiais"
ZONA DE PROSPECCIÓN:
Dende a desembocadura do Miño ata o límite de Oia con Baiona (Cabo Silleiro).
Concellos de: A Guarda, O Rosal e Oia.
MATERIAL CONVINTE PARA A PROSPECCIÓN:
-Caderno
para anotacións.
-Metro
-Se é posible cámara fotográfica.
-Cartografía que se pode obter do SIXPAC (ou SIGPAC).
DATOS MÍNIMOS:
-Localización (Concello e coordenadas UTM)
-Referencias (datos que permitan coñecer máis ou menos con exactitude o
lugar: unha casa,...
-Estado no que se atopa o animal.
-Especie (se a coñecemos)
-Lonxitude
total.
-Macho ou femia.
-A ser posible algunha (s) fotografía (s).
ALGÚNS DATOS IDENTIFICATIVOS:
O golfiño común
presenta no padal superior dúas acanaladuras. Cando os ósos non están limpos,
éstas non se ven, pero pasando os dedos (convén poñer luvas)
notarémolas perfectamente.
Cetáceos: os
machos presentan dúas aberturas separadas: a flecha vermella
sinala o ano. A flecha amarela a zona xenital. Habitualmente o pene aparece
no exterior (fotografía superior), aínda que non sempre.
As femias
dos cetáceos soamente presentan unha abertura (flecha vermella); a
ámbolos dous lados dela están as mamas (flechas verdes).
|
