Segundo as notas recollidas en ANABAM, o gabián é a ave de rapiña máis accidentada do Baixo Miño, ben por impactos contra cristais ou por atropelo nas estradas.

     O gabián está ampliamente distribuida por toda a bisbarra. Aparece tanto no rural como nas áreas de chairas ao lado do río, monte, etc. Posiblemente sexa, xunto co miñato común, a máis común das aves de rapina que temos no Baixo Miño, onde está presente todo o ano.

     Detalle das garras dun gabián. Unllas fortes, moi curvadas e afiladas. O dedo central máis longo que os demais. Esas características están adaptadas a suxetar perfectamente ás presas que van dende as pequenas aves ata pombas e similares.

     A cola, que é de tamaño longo, está formada por doce plumas. Nas dúas fotografías inferiores pode observarse a cola polo anverso e polo reverso. 

     Nestas fotografías detalle das ás. Inferiormente, esquerda, presentan unha cor máis abrancazada que pola parte superior.

     Plumas secundarias. Atópanse nas ás. Estas son anchas e redondeadas.

PORTADA