Cegoñas en São Pedro da Torre
O municipio de Valença do Minho conta cun novo niño de cegoñas.
Este novo niño atópase apenas a 4 km lineais do veciño niño da freguesía de Arão, onde o ano pasado criaran por primeira vez estas
aves.
Xa nestes meses fora observada outra parella de cegoñas, ademais da que xa aniña no Arão, polos
arredores de Valença e Tui. Mesmo onde aniñaran o ano pasado na parroquia de Areas, lembremos que o niño tivera un triste
final ao caer da palmeira que o sustentaba, víronse novamente polo lugar.
O espazo escollido
esta vez pola nova parella, que posiblemente xesa a mesma que aniñou o pasado ano en Areas, parece un lugar seguro e axeitado.
Está situado enriba da cheminea dun serradoiro xa en desuso e que polo bo estado de conservación, parece ser unha boa elección.
Segundo as nosas pesquisas, as cegoñas levan instaladas no lugar un mes aproximadamente, así tamén parece indicalo o tamaño do niño. As cópulas xa se levan a cabo polo que non tardarán en efectuala posta.
As Cegoñas da Freguesía de Arão, un regreso esperado
O pasado ano sorprendíanos
unha parella de cegoñas que no mes de Marzo aniñaban no veciño Portugal. Concretamente na Freguesía de Arão en Valença do Minho.
Despois de levar adiante a súa niñada, formada por tres polos, ao finalizar o verán abandonaron a zona, seguramente camiño
do sur, na procura dun lugar mais axeitado onde poder atopar alimento.
As cegoñas normalmente regresan
aos mesmos lugares onde aniñaron con anterioridade e volven ocupar os mesmos niños ano tras ano.
Nós tiñamos
a esperanza de que as nosas cegoñas regresaran este ano á Freguesía de Arão.
Sabiamos que non ían poder ocupar de novo o seu niño. A compañía eléctrica retirouno ao ser abandoado polas cegoñas na súa migración. Coñecedores da querencia das cegoñas a ocupar os niños ano tras ano, situaron no lugar un artiluxio mecánico para evitar que puidesen construir un novo niño onde traer ao mundo a súa prole.
Nós sempre pensamos que si regresaban
e se asentaban na zona, ocuparían outro dos postes eléctricos ou algún dos poste dos anuncios que hai próximos
A sorpresa non é, como cabería pensar, que aniñen nun destes postes. O asombroso é que xa chegaron e levan aproximadamente unha semana
facendo o niño. O lugar elixido esta vez é o poste eléctrico que esta a seguir da liña eléctrica en dirección sur.
Os primeiros avistamentos de cegoñas pola zona o ano pasado foron o 15 de Febreiro. No mes de Marzo comezaron a facer o niño.
O refraneiro popular di “ Por San Blas la cigueña veras” , que se celebra o 3 de febreiro.
O
domingo 28 de Xaneiro un membro se Anabam (Luis Dorado) observaba o novo niño das cegoñas na Freguesía de Arão informando aos
demais membros da asociación da nova.
|
|
N
|
W
|
UBICACIÓN
|
|---|---|---|---|
| NIÑO 1 |
42º 0' 20,13"
|
8º 38' 42,34"
|
Torreta
|
| NIÑO 2 |
41º 59' 38,25"
|
8º 38' 42,34"
|
Cheminé
|