|
PRIMEIROS PASOS
Todo empezou cun correo electrónico de Lluis a ANABAM, no que, en síntesis,
sinalaba o seu interese pola xeoloxía, as gañas que tiña en colaborar con
ANABAM neste campo e a súa disponibilidade de "todo o tempo do mundo".
Pasaron uns meses e mantivemos (LLuis, Luis Dorado e Agustín Ferreira),
unha primeira xuntanza nunha cafetería da Guarda (venres, 23 de maio) na que
falamos da posibilidade de crear unha sección de xeoloxía. Lluis se
encargaría de establecer os primeiros contactos.
REUNIÓN NO
IES A SANGRIÑA (A GUARDA)
En efecto, os primeiros contactos os mantivo con dous profesores de Ciencias
do IES A Sangriña, Eduardo e Ramón, que amosaron a súa disposición a
colaborar no proxecto. O mércores 18 deste mes de xuño, no citado IES, ás
dez da mañán, mantívose a primeira xuntanza "oficial" entre LLuis, Eduardo,
Ramón e Agustín Ferreira, este último en calidade de presidente da
asociación, onde por espazo de dúas horas falamos do tema.
Viuse que hai posibilidade reais de que isto vaia para diante e, de feito,
xa se está a traballar nesta nova andaina que comeza agora.
Amplíase, deste xeito, o abanico de actividades desenvolvidas en ANABAM,
aproveitando para invitar a todas aquelas persoas que se sintan atraídas
pola Xeoloxía, nos seus múltiples e variados aspectos, a particpar e
colaborar nesta sección.
CAMPOS NOS
QUE SE MOVERÁ ESTA SECCIÓN
Dado o limitado do tema xeolóxico se soamente se relaciona co Baixo Miño,
esta sección vai saír das fronteiras da comarca no que respecta á
recolección de material, pero sen esquecer e adicar un apartado especial á
mesma.
Tocáronse temas relacionados coa Mineraloxía; Petroloxía; Fósiles,
Routeiros, formacións rochosas; etc, ademais haberá unha exposición
permanente de materiais no local de ANABAM. Parte do material expositivo
será de propiedade desta asociación e en parte cedido por particulares para
este fin, que poderán retirar cando o estimen oportuno.
|
Eduardo Barciela,
é profesor de Ciencias no IES A Sangriña (A Guarda) |
Lluis , é un entusiasta da
xeoloxía e a alma mater deste proxecto. |
Ramón , é profesor
de Ciencias no IES A Sangriña. |
Unha colección de area, -provinte de moi diferentes
zonas: Sahara; Grecia, Algarve; Túnez; Fuerteventura...--, (propiedade de
Noé Ferreira, socio de ANABAM), formará parte do material expositivo.
|
