SECCIÓN ENTOMOLÓXICA : "Pelegrín Franganillo"


 


Cheiracanthium

 


 

     Na saída de campo levada a cabo o 26/07/2014, demos cunha nova localización da  araña denominada Cheiracanthium. Formabamos o grupo de traballo os seguintes membros de ANABAM: Carlos Angílica Entenza; Agustín Ferreira; Luis Dorado Senra; Mª Consuelo González de Dios; e Ricardo da Silva. Ese día, pola tarde, desprazámonos á veciña parroquia de Estás, no municipio de Tomiño, visitando dúas áreas próximas ao Arroio Bravos. Nun dos prados puidemos observar máis dunha ducia de niños desta aráña, que gardaban cun escrupuloso celo, defendéndoo de calquera ameaza externa.

 

 
Foto: Agustín Ferreira Lorenzo
Monte Terroso, A Guarda, 08/2017
 
 
    Evidentemente, para a toma das fotografías manexamos tanto ao niño como á araña con moito respecto e, por suposto, precaución, pois a picadura deste arácnido non é nada aconsellable. Rematada a sesión fotográfica e toma de datos, deixámolas tranquilamente sen máis molestias.   
 
 
Foto: Agustín Ferreira Lorenzo
Monte Terroso, A Guarda, 08/2017
     Pedipalpos e mandíbulas da Cheiracantium.

 

 
Portada
Biodiversidade
Fauna
Arácnidos
     Detalle dun dos niños observados. Estes están formados por un tubo feito de tela, coa entrada inferiormente e duns 4-5 centímetros de longo, que se constrúe unido a varios talos de plantas herbáceas, xuncos, etc.

    No seu interior está a posta e a araña adoita acubillarse tamén dentro, saíndo cando presinte algunha ameaza.

 

Foto: Agustín Ferreira Lorenzo
Monte Terroso, A Guarda, 08/2017

 

     Cheiracanthium é unha araña que produce unha picadura moi dolorosa e, ata certo punto perigosa, como puidemos observar hai xa algúns anos nunha señora da Guarda que precisou de asistencia médica, aínda así, debemos vela non como inimiga, pero si con respecto. A cor  do cefalotórax é avermellado mentres que o abdome é amarelento.

 

 

Cheiracanthium ten uns quelíceros que, de verdade, impoñen un pouco. A pesares da súa relativa perigosidade, sobre todo pola dor da súa picadura, non coñecemso practicamente ningún caso que se dea no Baixo Miño. 

 

Foto: Agustín Ferreira Lorenzo
A Pedrada (Tomiño), 03/08/2013

 

No centro da pradería  que se ve na imaxe, foi o lugar de localización desta araña, así como doutras de especies diferentes.

 

 

    Á esquerda a araña custodiando o niño. Á dereita detalle do niño, formado por unha especie de tubo ou campana.  

 

 

Foto: Agustín Ferreira Lorenzo
A Pedrada (Tomiño), 03/08/2013

  

 

 

 

   Dende a Pedrada, Vilachán, observamos a pradería onde localizamos a Cheiracanthium o 3 de agosto de 2013, así como outras especies diferentes de arañas. 

Foto: Agustín Ferreira Lorenzo
A Pedrada (Tomiño), 03/08/2013
ADRÍCULA
 X-----Y
10-----40...........08/2017......Subida ao Terroso, Loucenzas (A Guarda)
10-----36...........11/2016......Camiño Baixada a Sollás, Camposancos (A Guarda)
19-----47...........07/2014......Estás, Tomiño
16-----50...........08/2013......A Pedrada (Oia)
19-----50...........08/2013......A Pedrada (Oia)
 
 
Texto: Agustín Ferreira Lorenzo