|
| |
|
FAUNA RECOLLIDA POR
ANABAM |
| |
|
Actualizada
o 17-11-2013
|
|
|
O 2 de outubro achegámonos ata a praia da Lamiña para recoller un
mascato (Sula basana) que se atopaba no areal ferido,
impedido para poder desprazarse ou voar. O aviso fora dado o día
anterior, 1 de outubro, a noitiña por Igancio "o peluquero" ("o dos
bonsais"), quen, coas debidas precaucións, xa o desprazara lonxe da
influencia das augas do río.
Acompañounos na recollida Pablo Covelo, de CEMMA, pois ese mesmo día
tiñamos tamén que levar a cabo a necropsia dun golfiño nas proximidades
da cetárea da Guarda.
O mascato era un individuo deste mesmo ano que, por algunha causa
descoñecida para nós, debeu sufrir algún golpe. O día seguinte foi
enviado ao centro de recuperación de aves en Pontevedra. |
|
 |
|
|
 |
|
| |
|
|
|
|
| Actualizado o 24-06-2010 |
|
RECOLLIDOS SEIS POLOS NO MORÁN (O ROSAL)
O mércores 22 de xuño chegaban ao local de ANABAM seis polos de pato real
recollidos por un paisano na estrada do Morán, O Rosal. Levaban xa un bo
tempo nela, con perigo de ser atropelados por algún dos vehículos que
pasaban por ela. Así que, como non había sinais de que a nai estivera nos
arredores, optaron por recoller os pitos. O día 23, eran enviados ao centro
de recuperación de fauna en Pontevedra a través dun axente de medio
ambiente.
Cinco dos seis
polos recollidos, posiblemente dun ou dous días de nacidos.
Primeiro plano de
dous dos polos.
E TAMÉN UN PITO DE GAIVOTA
Unha paisana entregou no local de ANABAM, tamén o pasado día 22 deste mes de
xuño, un pito de gaivota recollido na rúa Ireira de A Guarda. O polo
seguramente caira do tellado dun dos edificios da citada rúa. Non
presentaba ferida algunha e parecía estar en perfecto estado. Este polo foi
enviado, xunto cos patos citados anteriormente, ao centro de recuperación de
fauna.
|
| Actualizado o 16-08-2009 |
|
CUCO PAPUDO
(Clamator glandarius)
|
 |
LUGAR DE
RECOLLIDA: Muño* de Vento, Solanas, A Guarda.
DATA: 9 de
xullo de 2009.
HORA:
Arredor das 9 da mañá.
PERSOA QUE
O RECOLLEU: Boni
PERSOAS
QUE O ENTREGARON: José M. Martínez Mancebo e Verónica Martínez
Fernández.
Esta é a segunda vez que recollemos un cuco papudo. As dúas veces foron
animais feridos. Nesta ocasión, ó igual que sucedera coa primeira, a ave
faleceu ás poucas horas. A causa da morte foi un forte impacto contra
unha cristaleira dunha vivenda que lle paralizou as extremidades,
rompeulle lixeiramente a parte anterior superior do peteiro e deixouno
mancado dunha á. En Galiza é ave moi escasa, estival, que aparece na
franxa centro-sur occidental.
(Fotos:
Agustín Ferreira-anabam).
*Utilizamos o vocablo Muño por ser o
utilizado na Guarda para referirse aos antigos muíños de vento.
|
|
|
